ເນື່ອງໃນໂອກາດລະນຶກ 67 ປີແຫ່ງວັນສ້າງຕັ້ງວິທະຍຸກະຈາຍສຽງຫວຽດນາມ (7/9/1945-7/9/2012), ພວກເຮົາຂໍແນະນຳໂດຍຫຍໍ້ກ່ຽວກັບວິທະຍຸກະຈາຍສຽງຫວຽດນາມ-ພາກພາສາລາວ ແລະ ອາລົມຈິດຄວາມຮັກແພງຂອງທ່ານຜູ້ຟັງ, ກໍ່ຄືເພື່ອນຮ່ວມອາຊີບທີ່ມີຕໍ່ພາກພາສາລາວ.
ບັນດານັກຂ່າວ VOV5 ແລະ ຊ່ຽວຊານພາກພາສາລາວ
(ພາບ: Van The)
ວັນທີ 12/10/1954, ພາຍຫຼັງວິທະຍຸກະຈາຍສຽງຫວຽດນາມໄດ້ຮັບການສ້າງຕັ້ງຂຶ້ນເປັນເວລາ 9 ປີ, ພາກພາສາລາວວິທະຍຸກະຈາຍສຽງຫວຽດນາມ ກໍ່ເລີ່ມອອກອາກາດລາຍການທຳອິດຢ່າງເປັນທາງການ. ໃນຊຸມວັນຫາກໍ່ໄດ້ຮັບການສ້າງຕັ້ງຂຶ້ນ, ຈຳນວນພະນັກງານຂອງພາກພາສາລາວມີພຽງ 2,3 ຄົນເທົ່ານັ້ນ, ເຂົາເຈົ້າທັງເຮັດວຽກງານແປພາສາ, ທັງເປັນໂຄສົກໃຫ້ແກ່ພາກພາສາລາວທີ່ອອກອາກາດ 30 ນາທີ/ວັນ. ໃນຊຸມເດືອນປີນັ້ນ, ບັນດາເພື່ອນຮ່ວມງານລາວ ໄດ້ປະກອບກຳລັງເຫື່ອແຮງຫຼາຍຢ່າງ, ເພື່ອຊ່ວຍບຳລຸງສ້າງຖັນແຖວບັນນາທິການ, ໂຄສົກທີ່ກ່ຽວກັບດ້ານພາສາລາວ ກໍ່ຄືວິທີຜັນສຽງໃຫ້ຖືກກັບສຳນຽງ. ປະຈຸບັນ, ວິທະຍຸກະຈາຍສຽງຫວຽດນາມ-ພາກພາສາລາວ ລວມມີ 6 ຄົນ, ທັງຮັບຜິດຊອບວຽກງານນັກຂ່າວ, ບັນນາທິການ, ແປພາສາ, ໂຄສົກໃຫ້ພາກພາສາລາວທີ່ອອກອາກາດມື້ລະ 3 ພາກຄື, ໃນລະບົບ AM (6ໂມງ00 – 7ໂມງ00) ແລະ (20ໂມງ30 – 21ໂມງ30) ແລະ ໃນລະບົບ FM ແຕ່ (14ໂມງ00 – 14ໂມງ30). ພິເສດ, ນັບແຕ່ລະບົບກະຈາຍສຽງພາສາຕ່າງປະເທດ - ວິທະຍຸກະຈາຍສຽງຫວຽດນາມ (VOV5) ໄດ້ເປີດເວັບໄຊຢ່າງເປັນທາງການເມື່ອເດືອນ 11/2011, ພາກພາສາລາວ ໄດ້ແນະນຳເບັນດາບົດ ກໍ່ຄືຂ່າວທັງພາຍໃນ ແລະ ຕ່າງປະເທດທີ່ອຸດົມສົມບູນ ແລະ ທັນການ ອັນໄດ້ສ້າງຄວາມສະດວກສະບາຍທີ່ສຸດໃຫ້ແກ່ຜູ້ຟັງ, ຜູ້ຊົມ. ເພື່ອນ ພອນໄຊ ແສງສະຫວ່າງ ນັກຂ່າວພະແນກຂ່າວ ແລະ ບົດ - ວິທະຍຸແຫ່ງຊາດລາວ ມີຄວາມປະທັບໃຈທີ່ສຸດຕໍ່ເວັບໄຊຂອງ VOV5:
ສຽງພອນໄຊ ແສງສະຫວ່າງ
ທ່ານວັນໄຊ ຕະວິນຍານ, ຮອງຫົວໜ້າອຳນວຍການວິທະຍຸກະຈາຍສຽງແຫ່ງຊາດລາວ ແມ່ນເພື່ອນຮ່ວມອາຊີບ, ທັງແມ່ນຜູ້ຟັງ ທີ່ສະໜິດສະໜົມຂອງພາກພາສາລາວ-ວິທະຍຸກະຈາຍສຽງຫວຽດນາມມາ ແຕ່ດົນນານ, ໃຫ້ຮູ້ວ່າ: ທ່ານໄດ້ຮັບຟັງລາຍການພາກພາສາລາວເປັນເວລາຫຼາຍປີ, ເຫັນວ່າພາກພາສາລາວ ນັບມື້ນັບມີການປ່ຽນໃໝ່ຫຼາຍຢ່າງ, ມີຫຼາຍລາຍການໃໝ່, ດູດດື່ມໃຈຜູ້ຟັງ ແລະ ພິເສດ, ຂ່າວກ່ຽວກັບລາວນັບມື້ນັບຫຼາຍຂຶ້ນ, ອັບເດດຢ່າງທັນການ, ນີ້ກໍ່ແມ່ນແຫຼ່ງຂ່າວທາງການຊື່ງບັນດານັກຂ່າວລາວ ສາມາດຂຸດຄົ້ນ ແລະ ນຳໃຊ້:
ສຽງທ່ານວັນໄຊ ຕະວິນຍານ
ຜູ້ຟັງມອບວິທະຍຸເກົ່າໃຫ້ແກ່ VOV5
(ພາບ: Van The)
ນັບແຕ່ດົນນານມາແລ້ວ, ພາກພາສາລາວ-ວິທະຍຸກະຈາຍສຽງຫວຽດນາມ ໄດ້ກາຍເປັນເພື່ອນຜູ້ສະໜິດສະໜົມຂອງທ່ານຜູ້ຟັງຄົນລາວ, ບັນດາຈົດໝາຍ, ໂທລະສັບ…ຝາກມາລາຍການພາກພາສາລາວກໍ່ນັບມື້ນັບຫຼາຍຂຶ້ນ. ທ່ານເພັດສະຫວັນສີຊານົນ-ຫົວໜ້າຫ້ອງການອະນຸສອນສະຖານໄກສອນ ພົມວິຫານ ແຂວງອັດຕະປື ໄດ້ໂທລະສັບມາຫາລາບການເປັນປະຈຳເພື່ອແບ່ງປັນກ່ຽວກັບບັນດາລາຍການທີ່ທ່ານນິຍົມ, ປະກອບຄຳເຫັນກໍ່ຄືລະດົມກຳລັງໃຈຜູ້ຈັດທຳລາຍການ. ໃນຈົດໝາຍທີ່ທ່ານຝາກມາລາຍການຫວ່າງມໍ່ໆມານີ້, ທ່ານໄດ້ຂຽນວ່າ: “ສຽງໂຄສົກຂອງລາຍການພາກພາສາລາວ-ວິທະຍຸກະຈາຍສຽງຫວຽດນາມ ອ່ານຈະແຈ້ງດີ, ເຂົ້າໃຈງ່າຍ. ຜ່ານລາຍການ, ຂ້າພະເຈົ້າໄດ້ເຂົ້າໃຈຕື່ມອີກກ່ຽວກັບປະເທດຊາດ ແລະ ຊາວຫວຽດນາມ ກໍ່ຄືສະພາບການຂອງໂລກ, ພິເສດແມ່ນນ້ຳໃຈສາມັກຄີມິດຕະພາບ, ການຮ່ວມມືລະຫວ່າງຫວຽດນາມ-ລາວ. ຂ້າພະເຈົ້າຫວັງວ່າ, ພາກພາສາລາວຈະມີຫຼາຍລາຍການທີ່ມວ່ນ, ດູດດື່ມໃຈ. ຂໍອວຍພອນໃຫ້ພາກພາສາລາວນັບມື້ນັບມີການພັດທະນາຍິ່ງຂຶ້ນ!“
ບົດເພງ: Tu hao tieng noi Viet Nam
