 ທ່ານ ເລແທັງລອງ ລັດຖະມົນຕີກະຊວງຍຸຕິທຳ ຫວຽດນາມ ກ່າວຄຳເຫັນທີ່ພິທີ (ພາບ: baonghean.vn) |
ທີ່ພິທີສະເຫຼີມສະຫຼອງ, ທ່ານ ເລແທັງລອງ ລັດຖະມົນຕີກະຊວງຍຸຕິທຳ ຫວຽດນາມ ເນັ້ນໜັກວ່າ ກະຊວງຍຸຕິທຳ ຫວຽດນາມ ໃຫ້ຄຳໝັ້ນສັນຍາສືບຕໍ່ໜູນຊ່ວຍກະຊວງຍຸຕິທຳ ລາວ ຈົນສຸດຄວາມສາມາດຂອງຕົນ, ຜ່ານນັ້ນປະກອບສ່ວນເພີ່ມທະວີການພົວພັນຄູ່ຮ່ວມມືດ້ານກົດໝາຍ ແລະ ຍຸຕິທຳ.
ສ່ວນທ່ານລັດຖະມົນຕີກະຊວງຍຸຕິທຳລາວ ໄພວີ ສີບົວລິພາ ໄດ້ສະແດງຄວາມຂອບອົກຂອບໃຕຕໍ່ການປະກອບສ່ວນ, ການຊ່ວຍເຫຼືອຂອງຂະແໜງຍຸຕິທຳ ຫວຽດນາມ ຕໍ່ຂະແໜງຍຸຕິທຳລາວ, ພ້ອມທັງເຊື່ອໝັ້ນວ່າ ໃນໄລຍະຈະມາເຖິງ ຂະແໜງຍຸຕິທຳສອງປະເທດ ຈະສະໜິດຕິດພັນຫຼາຍກ່ວາ, ມີການຮ່ວມມືພັດທະນາຢ່າງແຮງກ່ວາອີກ.
ໃນໂອກາດນີ້, ສອງຝ່າຍກໍ່ໄດ້ມອບບັນດາຮູບການຍ້ອງຂັ້ນລັດປະດັບຫຼຽນທີ່ລະນຶກ “ເພື່ອພາລະກິດຍຸຕິທຳ ຫວຽດນາມ”, ມອບໃບຍ້ອງຍໍຂອງລັດຖະມົນຕີກະຊວງຍຸຕິທຳ ຫວຽດນາມ ແລະ ລັດຖະມົນຕີກະຊວງຍຸຕິທຳ ລາວ ໃຫ້ແກ່ສ່ວນບຸກຄົນ, ອົງການຈັດຕັ້ງທີ່ມີການປະກອບສ່ວນຢ່າງຕັ້ງໜ້າເຂົ້າໃນການຊຸກຍູ້ການພົວພັນຮ່ວມມືລະຫວາງສອງຂະແໜງ ຫວຽດນາມ - ລາວ.
