ວັນທີ 23 ພະຈິກ, ທ່ານ Simon Stiell ເລຂາທິການ ບໍລິຫານສົນທິສັນຍາແມ່ຂອງ ສປຊກ່ຽວກັບການປ່ຽນແປງຂອງດິນຟ້າອາກາດ ໄດ້ໃຫ້ຂໍ້ສັງເກດວ່າການຮ່ວມມືທົ່ວໂລກໃນການຮັບມືກັບການປ່ຽນແປງຂອງດິນຟ້າອາກາດຍັງໄດ້ຮັກສາຢ່າງຕັ້ງໜ້າ ແລະ ໝັ້ນແກ່ນ, ໂດຍບໍ່ຫົວຊາຕໍ່ສະພາບການການເມືອງໂລກທີ່ມີການຜັນແປງຫຼາຍຢ່າງ. ໃນຖະແຫຼງການຕີລາຄາໝາກຜົນຂອງກອງປະຊຸມຄັ້ງທີ 30 ຂອງບັນດາຝ່າຍທີ່ເຂົ້າຮ່ວມສົນທິສັນຍາແມ່ຂອງ ສປຊ ກ່ຽວກັບການປ່ຽນແປງຂອງດິນຟ້າອາກາດ (COP30), ທ່ານ Simon Stiell ຖືວ່າກອງປະຊຸມປີນີ້ໄດ້ດຳເນີນໃນສະພາບການ “ການປະຕິເສດ, ການແມ່ງແຍກ ແລະ ການຂັດແຍ້ງກັນດ້ານການເມືອງ” ພວມກີດຂວາງຄວາມມານະພະຍາຍາມໃນການຮ່ວມມືສາກົນ. ເຖິງຢ່າງໃດກໍຕາມ, ບັນດາລັດຖະບານຍັງຢັ້ງຢືນຄືນໃໝ່ຄວາມຕັດສິນໃຈ ກະທຳເພື່ອດິນຟ້າອາກາດ.
