( ພາບປະກອບ )
|
( vovworld ) - ທ່ານເລຂາທິການໃຫຍ່ສະຫະປະຊາຊາດ ບານກີມູນ, ໄດ້ກະຕຸກຊຸກຍູ້ ສປປ.ເກົາຫຼີ ພິຈາລະນາແຜນການຍິງດາວທຽມໃນເດືອນ ເມສາ ທີ່ຈະມາເຖິງຄືນໃໝ່, ໃນຂະນະນັ້ນ, ອາເມລິກາໄດ້ຖືວ່າເລື່ອງດັ່ງກ່າວສາມາດສົ່ງຜົນສະທ້ອນເຖິງແຜນການຊ່ວຍເຫຼືອດ້ານທັນຍາຫານໃຫ້ແກ່ສປປ.ເກົາຫຼີ. ພາຍຫຼັງບັນດາສື່ມວນຊົນຂອງສປປ.ເກົາຫຼີ ໄດ້ຖະແຫຼງຂ່າວກ່ຽວກັບຂໍ້ຕົກລົງຍິງດາວທຽມຂອງພຽງຢ່າງໃນໄລຍະແຕ່ວັນທີ 12 – 14/4 ດ້ວຍລູກສອນໄຟ Unha 3 ນັ້ນ, ອາເມລິການ, ສ.ເກົາຫຼີ ແລະ ຍີ່ປຸ່ນ ລ້ວນແຕ່ກ່າວປະນາມແຜນການນີ້ ແລະ ຖືວ່າແຜນການໄດ້ລະເມີດຂໍ້ຫ້າມຂອງສະຫະປະຊາຊາດສຳລັບການຍິງດາວທຽມຂອງສປປ.ເກົາຫຼີ ທີ່ນຳໃຊ້ເຕັກໂນໂລຊີວິລູກສອນໄຟນຳວິຖີ. ແຈ້ງການຈາກຫ້ອງການຂອງທ່ານເລຂາທິການໃຫຍ່ສະຫະປະຊາຊາດ ບານກີມູນ ສະແດງຄວາມວິຕົກກັງວົນທີ່ສຸດກ່ຽວກັບແຜນການຍິງດາວທຽມດັ່ງກ່າວຂອງສປປ.ເກົາຫຼີ.
