ສປປເກົາຫຼີ ຍິງທົດລອງລູກສອນໄຟໄລຍະສັ້ນ 2 ລູກ
ລູກສອນໄຟ KN-01 ຂອງ ສປປເກົາຫຼີ
(ພາບ:dvt.vn)
( vovworld ) – ວັນທີ 30/3, ໜັງສືພິມ “Chosun Ilbo“ ຂອງສາທາລະນະລັດເກົາຫຼີ ໄດ້ຄັດສະເໜີແຫ່ລງຂ່າວຂອງລັດຖະບານປະເທດນີ້ ໂດຍໃຫ້ຮູ້ວ່າ: ສາທາລະນະລັດ ປະຊາຊົນ ປະຊາທິປະໄຕ ເກົາຫຼີ ໄດ້ຍິງທົດລອງລູກສອນໄຟໄລຍະສັ້ນ 2 ລູກໃນວັນທີ 29/3 ທີ່ຜ່ານມາ. ແລະ ກໍຕາມແຫຼ່ງຂ່າວດັ່ງກ່າວ, ບັນດາລູກສອນໄຟດັ່ງກ່າວແມ່ນລູກສອນໄຟຕ້ານກຳປັ່ນ KN-01 ທີ່ມີໄລຍະຍິງສັ້ນປະມານ 120 ກມ ຊື່ງໄດ້ຍິງຈາກເຂດທະເລທາງທິດຕາເວັນຕົກ ຂຶ້ນກັບແຂວງ Pyongan ທາງທິດເໜືອປະເທດສາທາລະນະລັດ ປະຊາຊົນ ປະຊາທິປະໄຕ ເກົາຫຼີ ແລະ ມຸ້ງໄປເຖິງເຂດທະເລເຫຼືອງ.. ລູກສອນໄຟ KN-01 ແມ່ນລູກສອນໄຟລຸ້ນໃໝ່ທີ່ທັນສະໄໝກ່ວາລູກສອນໄຟຕ້ານກຳປັ່ນຂອງຈີນ ດ້ວຍໄລຍະຍິງປະມານ 95 ກມ. ຕາມ ແຫຼ່ງຂ່າວຈາກກອງທັບສາທາລະນະລັດເກົາຫຼີ ແລ້ວ, ເຫດການຍິງທົດລອງລູກສອນໄຟເມື່ອວັນທີ 29/3 ບໍ່ກ່ຽວຂ້ອງເຖິງເຫດການຍິງດາວທຽມຂອງປະເທດນີ້ ໃນກາງເດືອນ 4 ທີ່ຈະມາເຖິງ.
