ສປປເກົາຫຼີ ຕຳນິເລື່ອງອາເມລິກາ ຢຸດການອຸປະຖຳທັນຍາຫານ
( vovworld ) – ວັນທີ 31/3, ສາທາລະນະລັດ ປະຊາຊົນ ປະຊາທິປະໄຕ ເກົາຫຼີ ໄດ້ອອກສຽງຕຳນິເລື່ອງອາເມລິກາ ຢຸດຕິການອຸປະຖຳທັນຍາຫານໃຫ້ແກ່ປະເທດນີ້ ຍ້ອນມີການກ່ຽວຂ້ອງເຖິງເລື່ອງພຽງຢ່າງ ມີແຜນການຍິງລູກສອນໄຟ. ສຳນັກຂ່າວສານສູນກາງສາທາລະນະລັດ ປະຊາຊົນ ປະຊາທິປະໄຕ ເກົາຫຼີ (KCNA) ໄດ້ຄັດສະເໜີຄຳເວົ້າຂອງໂຄສົກກະຊວງການຕ່າງປະເທດສາທາລະນະລັດ ປະຊາຊົນ ປະຊາທິປະໄຕ ເກົາຫຼີ ໂດຍເວົ້າວ່າ: ປະຕິກິລິຍາຢ່າງຮຸນແຮງຂອງອາເມລິກາ ຕໍ່ແຜນການນີ້ ໄດ້ລື່ນກາຍການກຳນົດ ແລະ ໄດ້ລະເມີດບັນດາຂໍ້ມາດຕາຕົ້ນຕໍ ແລະ ທຳລາຍຂໍ້ຕົກລົງລະຫວ່າງອາເມລິກາ ແລະ ສາທາລະນະລັດ ປະຊາຊົນ ປະຊາທິປະໄຕ ເກົາຫຼີ ເມື່ອວັນທີ 29/2. ຕາມ KCNA ແລ້ວ, ກ່ອນໜ້ານັ້ນ, ອາເມລິກາ ໄດ້ໃຫ້ຄຳໝັ້ນສັນຍາບໍ່ໃຫ້ບັນຫາມະນຸດສະທຳຕິດພັນກັບບັນດາບັນຫາການເມືອງ, ແຕ່ເຖິງແນວນັ້ນກໍຕາມ, ປະເທດນີ້ ຍັງມີປະຕິກິລິຍາຕໍ່ແຜນການຍິງດາວທຽມຂອງສາທາລະນະລັດ ປະຊາຊົນ ປະຊາທິປະໄຕ ເກົາຫຼີ ດ້ວຍຖະແຫຼງການຢຸດຕິບັນດາຄຳໝັ້ນສັນຍາອຸປະຖຳທັນຍາຫານ. ປະຈຸບັນ, ສາທາລະນະລັດ ປະຊາຊົນ ປະຊາທິປະໄຕ ເກົາຫຼີ ຍັງບໍ່ທັນຍົກອອກປະຕິກິລິຍາສຸດທ້າຍ ພ້ອມທັງພວມຊຸກຍູ້ອາເມລິການຈົ່ງພິຈາລະນາຂໍ້ຕົກລົງນີ້ຄືນໃໝ່. ຝ່າຍສາທາລະນະລັດ ປະຊາຊົນ ປະຊາທິປະໄຕ ເກົາຫຼີ ຮຽກຮ້ອງໃຫ້ອາເມລິກາ ຈົ່ງຮັບຮູ້ເລື່ອງປະເທດນີ້ຍິງດາວທຽມເພືອຈຸດໝາຍສັນຕິພາບດ້ວຍການກະທຳຕົວຈິງ.
