ທ່ານ Kim Jong Un ການນຳສປປ.ເກົາຫຼີ ໄດ້ລົງຕິດຕາມກວດກາໂດຍກົງ ໃນການທົດລອງລູກສອນໄຟປ້ອງກັນອາກາດໄລຍະໄກ, ລະດັບສູງແບບໃໝ່ ຢູ່ເຂດທະເລທາງທິດຕາເວັນອອກແຫຼມເກົາຫຼີ. ຕາມຂໍ້ມູນໂດຍ ສຳນັກຂ່າວສານສູນກາງ ສປປ.ເກົາຫຼີ (KCNA) ປະກາດໃນວັນທີ 25 ທັນວາແລ້ວ, ເຫດການທົດລອງລູກສອນໄຟປ້ອງກັນອາກາດໄລຍະໄກ, ລະດັບສູງແບບໃໝ່ໂດຍ ອົງການລູກສອນໄຟສປປ.ເກົາຫຼີປະຕິບັດໃນວັນທີ 24 ທັນວາ ແມ່ນເພື່ອແນໃສ່ຕີລາຄາບັນດາລັກສະນະພິເສດຍຸດທະວິທີ ແລະ ເຕັກນິກຄັ້ງທຳອິດ. ໝາກຜົນຂອງການທົດລອງໄດ້ໃຫ້ເຫັນວ່າ ລູກສອນໄຟໄດ້ຍິງຖືກເປົ້າໝາຍສົມມຸດຖານຢູ່ຄວາມສູງ 200 ກີໂລແມັດ.
