( ພາບປະກອບ )
|
( vovworld ) - ສຳນັກຂ່າວສານສູນກາງສປປ.ເກົາຫຼີ ຈະເຊີນນັກສັງເກດການສາກົນມາຕິດຕາມການຍິງດາວທຽມໃໝ່ຂອງປະເທດນີ້. ຕາມນັ້ນແລ້ວ, ຄະນະກຳມະການເຕັກໂນໂລຊີອາວະກາດສປປ.ເກົາຫຼີ ( KCST ) ຈະເຊີນບັນດາຜູ້ຊ່ຽວຊານສາກົນທີ່ມີປະສົບການໃນຂົງເຂດເຕັກໂນໂລຊີ ແລະ ວິທະຍາສາດອາວະກາດ ພ້ອມກັບບັນດານັກໜັງສືພິມມາຢ້ຽມຢາມສະຖານີຍິງດາວທຽມ Sohae, ສູນບັນຊາ ແລະ ຄວບຄຸມດາວທຽມລວມ ກໍຄືບັນດາສະຖານທີ່ອື່ນເພື່ອຕິດຕາມການຍິງດາວທຽມນີ້. ວັນທີ 16/3, ສປປ.ເກົາຫຼີ ໃຫ້ຮູ້ວ່າ ຈະຍິງດາວທຽມສັງເກດໜ່ວຍໂລກໃນລະຫວ່າງວັນທີ 12 – 16/4 ເພື່ອສະເຫຼີມສະຫຼອງວັນຄ້າຍວັນເກີດທ່ານອາດິດ ປະທານ Kim Il Sung ຄັ້ງທີ 100. ພາຍຫຼັງຖະແຫຼງກ່ຽວກັບແຜນການຍິງດາວທຽມດັ່ງກ່າວຂອງສປປ.ເກົາຫຼີ, ຈີນ ແລະ ລັດເຊຍ ໄດ້ສະແດງຄວາມວິຕົກກັງວົນ, ໃນຂະນະນັ້ນ ອາເມລິກາ ແລະ ຍີ່ປຸ່ນ ກໍສະແດງປະຕິກິລິຍາກ່ຽວກັບແຜນການນີ້.
