 ກອງປະຊຸມໃຫຍ່ຜູ້ແທນທົ່ວປະເທດສະໄໝທີ XIV ຂອງພັກກອມມູນິດ ຫວຽດນາມ (ພາບ: TTXVN) |
ກອງປະຊຸມໃຫຍ່ຜູ້ແທນທົ່ວປະເທດສະໄໝທີ XIV ຂອງພັກກອມມູນິດ ຫວຽດນາມ ພວມດຳເນີນຢູ່ຮ່າໂນ້ຍແມ່ນຫົວຂໍ້ດຶງດູດຄວາມສົນໃຈຢ່າງກວ້າງຂວາງຂອງສື່ມວນຊົນສາກົນ ຄື: AP, AFP, Reuters, New York Times, ຊິນຮວາ, People’s daily… ດ້ວຍບັນດາການຕີລາຄາທີ່ມີລັກສະນະສ້າງສັນ ແລະ ຕັ້ງໜ້າ. ດ້ວຍຄວາມສົນໃຈຢ່າງເລິກເຊິ່ງກວ້າງຂວາງ ແລະ ສ່ອງແສງເປັນຈຳນວນຫຼາຍກ່ຽວກັບກອງປະຊຸມໃຫຍ່, ສື່ມວນຊົນ ສາກນ ຖືນີ້ແມ່ນເຫດການການເມືອງສຳຄັນຍິງ, ຢັ້ງຢືນຖານະບົດບາດ, ຜົນສຳເລັດ ແລະ ການກຳນົດທິດການພັດທະນາຂອງ ຫວຽດນາມ ໃນສະພາບການພາກພື້ນ ແລະ ທົ່ວໂລກມີການຜັນແປສັບສົນຫຼາຍຢ່າງ.
ໃນບົດຂຽນທີ່ໄດ້ເອົາລົງໃນວັນທີ 22 ມັງກອນ, ສຳນັກຂ່າວສານ Reuters ໄດ້ເຕື້ອງເຖິງການຕົກລົງຫຼຸດເວລາດຳເນີນຂອງກອງປະຊຸມລົງ, ຖືວ່າສິ່ງນີ້ສະແດງໃຫ້ເຫັນຄວາມເຫັນດີເປັນເອກະພາບສູງຂອງບັນດາຜູ້ແທນກ່ຽວກັບບັນດາເນື້ອໃນທີ່ໄດ້ຍົກອອກມາຢູ່ກອງປະຊຸມໃຫຍ່.
ບັນດາສຳນັກຂ່າວສານໃຫຍ່ຂອງຈີນຄື: ຊິນຮວາ, People’s daily, CCTV… ໄດ້ລົງບົດຂຽນຕີລາຄາສູງເນື້ອໃນເອກະສານຂອງກອງປະຊຸມໃຫຍ່ທີ່ໄດ້ຮັບການຮຽບຮຽງເປັນເອກະພາບ, ລະອຽດ ແລະ ກຳນົດຄວາມຮັບຜິດຊອບໃນການປະຕິບັດບັນດາໜ້າທີ່ຈຸດສຸມຢ່າງຈະແຈ້ງ.
ສື່ມວນຊົນຂອງບັນດາປະເທດໃນພາກພື້ນ ອາຊີຕາເວັນອອກສ່ຽງໃຕ້ ອາຊຽນ ຄື: ສິງກະໂປ ແລະ ມາເລເຊຍ ໄດ້ສຸມໃສ່ຍ້ອງຍໍສັນລະເສີນບັນດາເປົ້າໝາຍການເຕີບໂຕທາງດ້ານເສດຖະກິດສູງ, ໃຫ້ຄຳໝັ້ນສັນຍາປະຕິຮູບການບໍລິຫານ, ຊຸກຍູ້ເຕັກໂນໂລຢີ ແລະ ເປີດກວ້າງການເຊື່ອມໂຍງເຂົ້າກັບສາກົນ - ສະແດງໃຫ້ເຫັນຄວາມເຊື່ອໝັ້ນຕໍ່ແງ່ຫວັງພັດທະນາແບບຍືນຍົງພາຍໃຕ້ການຊີ້ນຳນຳພາຂອງພັກກອມມູນິດ ຫວຽດນາມ.
ໃນຂະນະນັ້ນ, ບັນດາສື່ມວນຊົນ ເອຢິບ ແລະ ລັດເຊຍ ກໍ່ໄດ້ຕີລາຄາສູງເລື່ອງພັກ ກອມມູນິດ ຫວຽດນາມ ບົກສູງຄວາມເປັນເຈົ້າຕົນເອງທາງດ້ານຍຸດທະສາດ ແລະ ໃຫ້ຄຳໝັ້ນສັນຍາຈະສືບຕໍ່ປັບປຸງຊີວິດການເປັນຢູ່ຂອງປະຊາຊົນ, ຮັບຮູ້ຄວາມຕັດສິນໃຈຮັກສາການເຕີບໂຕສູງ, ພັດທະນາເສດຖະກິດອີງຕາມການນະວັດຕະກຳ ແລະ ຫັນປ່ຽນໄປຍັງພື້ນຖານເສດຖະກິດດີຈີຕອນ - ສິ່ງນີ້ສະແດງໃຫ້ເຫັນຈິດໃຈການກະທຳທີ່ຂ້ຽວຂາດ ແລະ ຍຸດທະສາດຍາວນານຂອງ ຫວຽດນາມ.
