( vovworld ) – ເນື່ອງໃນໂອກາດສະເຫຼີມສະຫຼອງ 37 ປີແຫ່ງວັນທ້ອນໂຮມປະເທດຊາດເປັນເອກະພາບ ( 30/4/1975 – 30/4/2012 ) ແລະ ວັນກຳມະກອນສາກົນ 1/5, ສະຖານທູດຫວຽດນາມປະຈຳອາຟະລິກາໃຕ້ ຈັດຕັ້ງການພົບປະກັບພະນັກງານ, ພາລະກອນສະຖານທູດ ແລະ ບັນກາອົງການຕາງໜ້າວຽດນາມ ພ້ອມກັບພໍ່ແມ່ປະຊາຊົນ, ນັກຮຽນ, ນັກສຶກສາ ທີ່ພວມດຳລົງຊີວິດ, ຮໍ່າຮຽນ ແລະ ເຮັດວຽກຢູ່ອາຟະລິກາໃຕ້. ທ່ານເອກອັກຄະລັດຖະທູດຫວຽດນາມ ປະຈຳອາຟະລິກາໃຕ້ Nguyen Manh Hung ໄດ້ຢືນຢັນເຫດການປະຫວັດສາດທີ່ສຳຄັນຍິ່ງຄືວັນທີ 30/4/1975 ໄດ້ເປີດໜ້າປະຫວັດສາດໃໝ່ທີ່ສະຫງ່າລາສີ - ຊຶ່ງແມ່ນໄລຍະທີ່ທົ່ວປະເທດກໍ່ສ້າງລັດສັງຄົມນິຍົມ ແລະ ພັດທະນາປະເທດຊາດ “ ໃຫ້ນັບມື້ນັບໃຫຍ່ຫຼວງ ແລະ ສວຍງາມກວ່າ ” ຄືດັ່ງຄວາມຫວັງອັນສູງສົ່ງຂອງປະທານ ໂຮຈິມິນ ກໍຄືຍົກສູງທີ່ຕັ້ງບົດບາດຂອງຫວຽດນາມ ໃນວົງຄະນະຍາດສາກົນ. ທ່ານເອກອັກຄະລັດຖະທູດ Nguyen Manh Hung ອວຍພອນໃຫ້ປະຊາຄົມຊາວຫວຽດນາມ ປະຈຳອາຟະລິກາໃຕ້ ເພີ່ມທະວີຄວາມສາມັກຄີ, ຊ່ວຍເຫຼືອເຊິ່ງກັນ ແລະ ກັນ ແລະ ມີຄວາມເຄົາລົບ, ປະຕິບັດຕາມກົດໝາຍປະເທດອາຟະລິກາໃຕ້ ເພື່ອປະກອບສ່ວນເພີ່ມທະວີສາຍພົວພັນມິດຕະພາບ, ການຮ່ວມມືລະຫວ່າງຫວຽດນາມ ແລະ ອາຟະລິກາໃຕ້ ໃນໄລຍະທີ່ຈະມາເຖິງໃຫ້ກວ່າອີກ.
