 ລັດຖະທຳມະນູນຫວຽດນາມປີ 1992
|
Vovworld- ວັນທີ 19/6, ສະຖາບັນວິທະຍາສາດສັງຄົມຫວຽດນນາມ ໄດ້ຈັດກອງປະຊຸມສຳມະນາວ່າດ້ວຍຫົວຂໍ້ “ ກຳນົດທິດ ແລະ ນຳສະເໜີປັບປຸງເພີ່ມເຕີມລັດຖະທຳມະນູນປີ 1992 ”. ທີ່ກອງປະຊຸມສຳມະນາ, ບັນດານັກສຳມະນາກອນໄດ້ປະກອບຄຳເຫັນກ່ຽວກັບບັນດາເນື້ອໃນຄື ກຳນົດທິດ ການປັບປຸງເພີ່ມເຕີມລັດຖະທຳມະນູນປີ 1992. ນຳສະເໜີໃຫ້ປັບປຸງເພີ່ມເຕີມບັນດາຂໍ້ກຳນົດກ່ຽວກັບການຈັດຕັ້ງ, ກົງຈັກແຫ່ງລັດຕາມທິດກຳນົດແຈ້ງກ່ວາກ່ຽວກັບໜ້າທີ່, ສິດອຳນາດ, ພາລະບົດບາດຂອງບັນດາອົງການແຫ່ງລັດ, ດັດແປງບາງຂໍ້ກຳນົດສ້າງເງື່ອນໄຂສະດວກໃຫ້ແກ່ການພັດທະນາຕາມທິດເສດຖະກິດຕະຫຼາດຕາມການກຳນົດທິດສັງຄົມນິຍົມ…..ຕາມທ່ານສາດສະ ດາຈານ-ດທ Vo Khanh Vinh ຮອງປະທານ ສະຖາບັນວິທະຍາສາດສັງຄົມຫວຽດນນາມແລ້ວ, ການປັບປຸງເພີ່ມເຕີມລັດຖະທຳມະນູນປີ 1992ຄັ້ງນີ້ ແມ່ນເພື່ອແນໃສ່ຫັນເປັນລະບອບກົດໝາຍຢ່າງທັນການກ່ຽວກັບແນວທາງ, ນະໂຍບາຍ, ແຜນນະໂຍບາຍຂອງພັກ ຊຶ່ງໄດ້ລະບຸໃນໂຄງການການເມືອງສ້າງສາປະເທດຊາດໃນໄລຍະຂ້າມຜ່ານກ້າວຂື້ນສັງຄົມນິຍົມ ແລະ ບັນດາເອກະສານກອງປະຊຸມໃຫຍ່ຄັ້ງທີ່ 11 ຂອງພັກ, ຮັບຮູ້ບັນດາໝາກຜົນຂອງການປະຕິວັດ ແລະ ບັນດາຜົນງານອັນໃຫຍ່ຫຼວງ ມີຄວາມໝາຍປະຫວັດສາດພາຍຫຼັງກິດຈະການປ່ຽນແປງໃໝ່ເປັນເວລາກ່ວາ 25 ປີ, ຮັບປະກັນບັນດາຂໍ້ກຳນົດຂອງລັດຖະທຳມະນູນແມ່ນນິຕິກຳພື້ນຖານ, ມີລັກສະນະເປັນປົກກະຕິ ຍາວນານ
