(vovworld) – ສະພາທະຫານກຳອຳນາດ ອີຢິບ ຫາກໍຢັ້ງຢືນໃຫ້ຄຳໝັ້ນສັນຍາມອບໂອນສິດອຳນາດໃຫ້ແກ່ລັດຖະບານພົນລະເຮືອນຄືນໃໝ່ ພາຍຫຼັງການເລືອກຕັ້ງປະທານາທິບໍດີຄາດວ່າຈະດຳເນີນໃນເດືອນ 5 ຈະມາເຖິງ. ວັນທີ 5/4, ທ່ານພົນຈັດຕະວາ Mamdouh Shahin, ທີ່ປຶກສາດ້ານກົດໝາຍ ທັງເປັນສະມາຊິກຂອງສະພາສູງສຸດບັນດາກຳລັງປະກອບອາວຸດ ອີຢິບ (ຫຼື SCAF) ຖະແຫຼງວ່າ: ສະພາທະຫານຈະບໍ່ ແຊກແຊງເຂົ້າວຽກງານຂອງສະພາລັດຖະທຳມະນູນ ແລະ ຈະສະກັດກັ້ນທຸກໆ ຄວາມມານະພະຍາຍາມແຊກແຊງ ຂອງບັນດາກຳລັງການເມືອງອື່ນໆ. ສະພາທະຫານ ອີຢິບ ໄດ້ຂຶ້ນກຳອຳນາດນຳພາຢູ່ປະເທດນີ້ ພາຍຫຼັງການລຸກຮື້ຂຶ້ນໂຄ້ນລົ້ມອຳນາດການປົກຄອງຂອງທ່ານປະທານາທິບໍດີ Hosni Mubarak ໃນປີກາຍ. ນັບແຕ່ນັ້ນມາຮອດປະຈຸບັນ, ສະພາທະຫານ ອີຢິບ ຖືກກ່າວຫາຢ່າງລຽນຕິດເພາະວ່າໄດ້ຕັ້ງໃຈແກ່ຍາວການມອບໂອນການມອບໂອນສິດອຳນາດ, ຊອກຫາວິທີສວມບົດບາດການເມືອງໃນລັດຖະບານອະນາຄົດ.
ຕາມແຜນການແລ້ວ, ການເລືອກຕັ້ງປະທານາທິບໍດີ ອີຢິບ ຈະດຳເນີນໃນວັນທີ 23 – 24/5. ໝາກຜົນແຫ່ງການເລືອກຕັ້ງຈະໄດ້ຮັບການປະກາດໃນວັນທີ 21/6.
