ສະພາບການໃຊ້ຄວາມຮຸນແຮງຍັງຄົງເກີດຂຶ້ນຢູ່ ຊີຣີ
(vovworld) – ການໃຊ້ຄວາມຮຸນແຮງຍັງຄົງສືບຕໍ່ເກດຂຶ້ນຢູ່ຊີຣີ ແລະ ສົ່ງຜົນສະທ້ອນເຖິງຂໍ້ຕົກລົງຢຸດຍິງຕາມແຜນການສັນຕິພາບ 6 ຂໍ້ເຊິ່ງທ່ານທູດພິເສດລວມຂອງສະຫະປະຊາຊາດ ແລະ ສະຫະພັນ ອາຣັບ (ຫຼື AL) Kofi Annan ນຳສະເໜີ. ວັນທີ 2/5, ບັນດາອົງການຕິດຕາມກວດກາພາຍໃນປະເທດ ແລະ ສາກົນໃຫ້ຮູ້ວ່າ: ມີນັກຮົບ ຊີຣີ ຢ່າງໜ້ອຍສຸດ 20 ຄົນ ແລະ ມືປືນຂອງທະຫານແຕກທັບ 2 ຄົນຖືກເສຍຊີວິດ ໃນການປະທະກັນຢູ່ນະຄອນຫຼວງ Damascus ແລະ ແຂວງທາງພາກເໜືອ Aleppo. ແລະກໍໃນວັນທີ 2/5, ທ່ານລັດຖະມົນຕີກະຊວງການຕ່າງປະເທດລັດເຊຍ ໄດ້ອອກຖະແຫຼງການຮັບຮູ້ວ່າ ພວກກໍ່ການຮ້າຍຢູ່ ຊີຣີ ມີກົນອຸບາຍທຳລາຍແຜນການສັນຕິພາບ ຂອງ ທູດພິເສດ Annan. ລັດຖະມົນຕີການຕ່າງປະເທດລັດເຊຍ ໃຫ້ຮູ້ວ່າ: ພາຍຫຼັງບັນດາການບຸກໂຈມຕີກໍ່ການຮ້າຍຢູ່ ຊີຣີ ແມ່ນບັນດາເປົ້າໝາຍເຄື່ອນໄຫວຕ້ານຄວາມມານະພະຍາຍາມສັນຕິພາບຕ່າງໆ ເພື່ອແນໃສ່ ຫັນສະພາບການພາຍໃນປະເທດເປັນປົກກະຕິ ແລະ ຢາກປ່ຽນແປງລະບົບການເມືອງຢູ່ປະເທດ ຕາເວັນອອກກາງຢ່າງແຮງ. ວັນທີ 2/5, ໂຄສົກຂອງຄະນະຜູ້ຕາງໜ້າສະຫະປະຊາຊາດຢູ່ Damacus ໃຫ້ຮູ້ວ່າ: ທ່ານ Philippe Lazzarini, ເຈົ້າໜ້າທີ່ຂອງສະຫະປະຊາຊາດ ໄດ້ໄປຍັງ ຊີຣີ ເພື່ອຕີລາຄາກ່ຽວກັບຄວາມຕ້ອງການຊ່ວຍເຫຼືອມະນຸດສະທຳຢູ່ປະເທດ ຕາເວັນອອກກາງນີ້. ຄາດວ່າ, ທ່ານ Lazzarini ຈະມີການພົບປະກັບເຈົ້າໜ້າທີ່ ຊີຣີ, ປຶກສາຫາລືກ່ຽວກັບບັນຫາທີ່ກ່ຽວຂ້ອງ ຄື ຊີ້ນຳການແຈກຢາຍເຄື່ອງຊ່ວຍເຫຼືອ.
