 ທ່ານປະທານປະເທດເຈືອງເຕີນຊາງ ແລະ
ທ່ານປະທານາທິບໍດີ Sebastian Pinera ເປັນສັກຂິພິຍານພິທີລົງນາມ ພາບ: internet |
(vovworld) - ວັນທີ 14/3, ທັງສະພາຕ່ຳ ແລະ ສະພາສູງ ຈີເລ ໄດ້ຮັບຮອງເອົາສັນຍາການຄ້າເສລີ FTA ລະຫວ່າງ ຈີເລກັບຫວຽດນາມ. ຂໍ້ຕົກລົງໄດ້ຮັບຮອງເອົາພຽງໃນເວລ່ 5 ວັນກ່ອນທ່ານປະທານາທິບໍດີ ຈີເລ Sebastian Pinera ໄປຢ້ຽມຢາມປະເທດອາຊີ ຈຳນວນຫນຶ່ງ, ໃນນັ້ນມີຫວຽດນາມ. ຫ້ອງການຫນັງສືພິມສະພາສູງ ຈີເລ ໄດ້ຄັດຄຳເວົ້າຂອງສະມາຊິກສະພາສູງ Jose Garcia Ruminot ກ່າວຄຳເຫັນກ່ອນລົງຄະແນນສຽງຢູ່ສະພາສູງ ໄດ້ຢືນຢັນວ່າ: ເລື່ອງນຳ FTA ເຂົ້າປະຕິບັດເປັນຂີດໝາຍໃຫມ່ໃນການພົວພັນດ້ານການຄ້າລະຫວ່າງສອງປະເທດ ແລະ ປັບປຸງຍຸດທະສາດການເຊື່ອມໂຍງເຂົ້າກັບການຄ້າຂອງ ຈີເລ ຢູ່ ອາຊີ. ທ່ານ Ruminot ຊີ້ແຈງວ່າ ເມ່ືອ FTA ມີຜົນສັກສິດ, ຈີເລ ສາມາດສົ່ງສິນຄ້າໄປຍັງຫວຽດນາມດ້ວຍອັດຕາພາສີບຸລະມະສິດສຳລັບບັນດາຜະລິດຕະພັນຄື: ຊິ້ນໝູ, ໝາກໄມ້ ແລະ ນ້ຳຫວານ. ກົງກັນຂ້າມ, ຫວຽດນາມ ສາມາດສົ່ງສິນຄ້າໄປຍັງ ຈີເລ ດ້ວຍບັນດາຜະລິດຕະພັນຄື: ເກີບ, ເຂົ້າສານ, ເຄື່ອງຕຳແຜ່ນຕັດຫຍິບ ແລະ ກາເຟ ໃນອັດຕາພາສີຕ່ຳ.
