ວັນທີ 7/6, ບັນດາ ສະມາຊິກສະພາແຫ່ງຊາດ (ສສຊ) ໄດ້ປຶກສາຫາລືກ່ຽວກັບໝາກຜົນການປະຕິບັດແຜນການພັດທະນາເສດຖະກິດສັງຄົມ ແລະ ງົບປະມານແຫ່ງລັດປີ 2011, ເລື່ອງຜັນຂະຫຍາຍການປະຕິບັດແຜນການພັດທະນາເສດຖະກິດ ສັງຄົມ ແລະ ງົບປະມານແຫ່ງລັດໃນຊຸມເດືອນຕົ້ນປີ 2012.
(vovworld) - ວັນທີ 7/6, ບັນດາ ສະມາຊິກສະພາແຫ່ງຊາດ (ສສຊ) ໄດ້ປຶກສາຫາລືກ່ຽວກັບໝາກຜົນການປະຕິບັດແຜນການພັດທະນາເສດຖະກິດສັງຄົມ ແລະ ງົບປະມານແຫ່ງລັດປີ 2011, ເລື່ອງຜັນຂະຫຍາຍການປະຕິບັດແຜນການພັດທະນາເສດຖະກິດ ສັງຄົມ ແລະ ງົບປະມານແຫ່ງລັດໃນຊຸມເດືອນຕົ້ນປີ 2012.
 ກອງປະຊຸມສະໄຫມສາມັນເທື່ອທີ 3 ສະພາແຫ່ງຊາດຊຸດທີ 13
ພາບ: internet |
ໃນຊຸມເດືອນຕົ້ນປີ 2012, ດ້ວຍເລື່ອງສືບຕໍ່ປະຕິບັດຈຸດໝາຍຄວບຄຸມໄພເງິເຟີ້, ຮັກສາເສດຖະກິດມະຫາພາກເປັນປົກກະຕິ, ມາດຕະການຂອງລັດຖະບານໃນການຫລຸດຜ່ອນດັດຊະນີລາຄາໃຊ້ສອຍລົງລະດັບ 2,6% ຊຶ່ງແມ່ນລະດັບຕຳ່ສຸດໃນຮອບ 3 ປີຜ່ານມາ, ການນຳເຂົ້າເກີນດຸນກໍຫລຸດລົງ, ອັດຕາດອກເບ້ຍຄ່ອຍໆຫລຸດລົງ, ອັດຕາແລກປ່ຽນເງິນຕາຕ່າງປະເທດເປັນປົກກະຕິ. ແຕ່ເຖິງຢ່າງໃດກໍຕາມ, ລະດັບການເຕີບໂຕ GDP ໃນໄຕມາດ 1 ປີ 2012 ບັນລຸພຽງ 4% ເຊິ່ງແມ່ນລະດັບຕຳ່ຫລາຍເມື່ອທຽບໃສ່ໄລຍະດຽວກັນຂອງຊຸມປີກ່ອນ. ຄຳເຫັນຂອງ ສສຊ ຫລາຍທ່ານສະເຫນີວ່າ ຈົ່ງສືບຕໍ່ບຸລິມະສິດການລົງທຶນໃຫ້ແກ່ກະສິກຳ, ຊົນນະບົດ ແລະ ເສດຖະກິດທະເລ. ປະຕິບັດມະຕິເລກທີ 13 ຂອງລັດຖະບານກ່ຽວກັບບາງມາດຕະການແກ້ໄຂຄວາມຫຍຸ້ງຍາກໃຫ້ແກ່ການຜະລິດດຳເນີນທຸລະກິດ, ຫນູນຊ່ວຍຕະຫລາດ. ທ່ານ Tran Van Minh ສສຊ ແຂວງ ກວ໋າງນີງ ປະກອບຄຳເຫັນວ່າ:
“ສຳລັບຕະຫລາດພາຍໃນປະເທດ ຄວນຍູ້ແຮງໂຄງການສົ່ງເສີມການຄ້າເພື່ອຈຳຫນ່າຍຜະລິດຕະພັນ, ສືບຕໍ່ຍູ້ແຮງຂະບວນການຊາວ ຫວຽດນາມ ບຸລິມະສິດນຳໃຊ້ສິນຄ້າຂອງຫວຽດນາມ. ສຳລັບຕະຫລາດຕ່າງປະເທດ ຄວນເພີ່ມທະວີການສົ່ງເສີມດ້ານການຄ້າເພື່ອຍູ້ແຮງການສົ່ງອອກ, ສ້າງແຜນຮ່າງສ້າງໂຄງປະກອບເສດຖະກິດຄືນໃຫມ່ທີ່ມີຄຸນນະພາບ ແລະ ຜັນຂະຫຍາຍແຜນຮ່າງນີ້ຢ່າງມີປະສິດທິຜົນ.”
 ພາບປະກອບ:internet
|
ກ່ຽວກັບໝາກຜົນແຫ່ງການປະຕິບັດແຜນການພັດທະນາເສດຖະກິດສັງຄົມ ແລະ ງົບປະມານແຫ່ງລັດປີ 2011,
ມີ 15/22 ດັດຊະນີເສດຖະກິດສັງຄົມບັນລຸໄດ້ຄາດໝາຍ ແລະ ລື່ນກາຍແຜນການທີ່ວາງອອກ. ສິ່ງດັ່ງກ່າວຢັ້ງຢືນໃຫ້ເຫັນວ່າ ການບໍລິຫານຂອງລັດຖະບານມີປະສິດທິຜົນ, ພິເສດການຜັນຂະຫຍາຍມະຕິເລກທີ 11 ຂອງລັດຖະບານກ່ຽວກັບບັນດາມາດຕະການຕົ້ນຕໍໃນການສຸມໃສ່ຄວບຄຸມໄພເງິນເຟີ້, ຮັກສາເສດຖະກິດມະຫາພາກເປັນປົກກະຕິ, ຮັບປະກັນຊີວິດສັງຄົມ. ເຖິງຢ່າງໃດກໍຕາມ,ບັນດາຕົວເລກຄາດໝາຍດັ່ງກ່າວບໍ່ທັນບັນລຸບາງຕົວເລກຄາດໝາຍສຳຄັນໄດ້.ໃນນັ້ນ ລະດັບຈະເລີນເຕີບໂຕ GDP ບັນລຸພຽງ 5,89% ເຊິ່ງຕຳ່ກວ່າຫລາຍເມື່ອທຽບໃສ່ຄາດໝາຍທີ່ວາງອອກ 7 - 7,5%. ຄຳເຫັນຂອງ ສສຊ ຫລາຍທ່ານຖືວ່າ: ພື້ນຖານເສດຖະກິດ ຫວຽດນາມ ພວມຜ່ານຜ່າໄລຍະຫຍຸ້ງຍາກ, ແຕ່ບັນດາມາດຕະການຂອງລັດຖະບານກ່ຽວກັບການຫນູນຊ່ວຍວິສາຫະກິດບໍ່ທັນແກ້ໄຂຄວາມຫຍຸ້ງຍາກຂອງວິສາຫະກິດໄດ້ຢ່າງເຖິງຖອງ. ບາງຄຳເຫັນສະເຫນີວ່າ ບໍ່ຄວນໂຍະຍານນະໂຍບາຍເງິນຕາໃນສະພາບການປະຈຸບັນ ເພາະວ່າ ໄພເງິນເຟີ້ອາດຈະກັບຕ່າວຄືນມາບໍ່ວ່າໃນເວລາໃດ ແລະ ຢຸດຕິສະພາບການທີ່ບັນດາກຸ່ມບໍລິສັດ, ບໍລິສັດໃຫຍ່ແຫ່ງລັດລົງທຶນອອກສູ່ຕ່າງປະເທດບໍ່ບັນລຸປະສິດທິຜົນ. ທ່ານ Nguyen Cao Son ສສຊ ແຂວງ ຮວ່າບີ່ງ ສະເຫນີວ່າ:
“ລັດຖະບານສືບຕໍ່ຄົ້ນຄ້ວາບັນດາມາດຕະການເພື່ອຊ່ວຍເຫລືອວິສາຫະກິດ ດ້ວຍບັນດາຮູບການຄື: ສືບຕໍ່ແກ່ຍາວການກຳນົດເວລາເກັບອາກອນ, ຍົກເວັ້ນ ຫລຸດຜ່ອນອາກອນ, ກະຕຸ້ນຄວາມຕ້ອງການໃຊ້ສອຍ. ເພື່ອຫລຸດຜ່ອນຄວາມກົດດັນໃຫ້ແກ່ບັນດາທະນາຄານ ຂ້າພະເຈົ້າສະເຫນີວ່າ ລັດຖະບານຕ້ອງຊີ້ນຳໃຫ້ແກ່ບັນດາທ້ອງຖິ່ນສ້າງຕັ້ງກອງທຶນຫນູນຊ່ວຍການພັດທະນາໃຫ້ແກ່ວິສາຫະກິດ, ກອງທຶນຄ້ຳປະກັນສິນເຊື່ອຂອງວິສາຫະກິດຂະຫນາດກາງ ແລະ ນ້ອຍຢ່າງທັນທີ”.
ສ່ວນທ່ານ Huynh Nghia ສສຊ ນະຄອນ ດາຫນັງ ຍົກຄຳເຫັນວ່າ:
“ຄວນມີມາດຕະການແກ້ໄຂຢ່າງແຂງແຮງເພື່ອໃຫ້ພື້ນຖານເສດຖະກິດພັດທະນາ. ຖ້າສົມທົບຢ່າງກົມກຽວລະຫວ່າງນະໂຍບາຍງົບປະມານ ແລະ ນະໂຍບາຍເງິນຕາ ຈະຟື້ນຟູທ່າເຕີບໂຕທາງດ້ານເສດຖະກິດໂດຍໄວໄດ້. ຂ້າພະເຈົ້າສະເຫນີວ່າ ລັດຖະບານ ຄວນມີມາດຕະການຢ່າງແຂງແຮງກ່ຽວກັບການປ້ອງກັນ ແລະ ຕ້ານການສໍ້ລາດບັງຫລວງ ແລະ ການຟຸມເຟືອຍ.”
