ເມື່ອຕອບສຳພາດຕໍ່ນັກຂ່າວວິທະຍຸກະຈາຍສຽງຫວຽດນາມ, ທ່ານນາງ ຫງວຽນທິແທນຮ່ວ່າ, ກຳມະການສູນກາງພັກ, ປະທານສະຫະພັນແມ່ຍິງຫວຽດນາມໃຫ້ຮູ້ວ່າ: “ໃນ 6 ຫນ້າທີ່ຈຸດສຸມຊຶ່ງກອງປະຊຸມໃຫຍ່ໄດ້ຮັບຮອງເອົານັ້ນ ມີຫນ້າທີ່ຫນຶ່ງແມ່ນເພີ່ມທະວີວຽກງານການຕ່າງປະເທດ ແລະ ການຮ່ວມມືກັບສາກົນ.
 ທ່ານນາງຫງວຽນທິແທນຮ່ວ່າ ປະທານສະຫະພັນແມ່ຍິງຫວຽດນາມ ພາບປະກອບ: internet |
(vovworld) - ກອງປະຊຸມໃຫຍ່ຜູ້ແທນແມ່ຍິງທົ່ວປະເທດຄັ້ງທີ 11 ຫາກໍຈັດຕັ້ງສຳເລັດຜົນຢູ່ຮ່າໂນ້ຍ ໄດ້ວາງອອກບັນດາຫນ້າທີ່ ແລະ ມາດຕະການ ເພື່ອເຕົ້າໂຮມແມ່ຍິງຫວຽດນາມທຸກຊັ້ນວັນນະ ປະກອບສ່ວນເຂົ້າໃນການພັດທະນາລວມຂອງຂະບວນການແມ່ຍິງ. ເມື່ອຕອບສຳພາດຕໍ່ນັກຂ່າວວິທະຍຸກະຈາຍສຽງຫວຽດນາມ, ທ່ານນາງ ຫງວຽນທິແທນຮ່ວ່າ, ກຳມະການສູນກາງພັກ, ປະທານສະຫະພັນແມ່ຍິງຫວຽດນາມໃຫ້ຮູ້ວ່າ:
“ໃນ 6 ຫນ້າທີ່ຈຸດສຸມຊຶ່ງກອງປະຊຸມໃຫຍ່ໄດ້ຮັບຮອງເອົານັ້ນ ມີຫນ້າທີ່ຫນຶ່ງແມ່ນເພີ່ມທະວີວຽກງານການຕ່າງປະເທດ ແລະ ການຮ່ວມມືກັບສາກົນ. ເນື້ອໃນເພື່ອປະຕິບັດໃຫ້ໄດ້ແມ່ນເປີດກວ້າງການຮ່ວມມືກັບສາກົນ, ມີຄວາມສາມັກຄີມິດຕະພາບກັບປະຊາຊົນ, ກັບແມ່ຍິງປະເທດຕ່າງໆ ພິເສດແມ່ນບັນດາປະເທດບ້ານໃກ້ເຮືອນຄຽງ, ບັນດາປະເທດມີການພົວພັນທີ່ເປັນມູນເຊື້ອ, ມີບົດບາດທີ່ຕັ້ງສຳຄັນໃນນະໂຍບາຍການຕ່າງປະເທດຂອງພັກ ແລະ ລັດ. ຕ້ອງປັບປຸງພັດທະນາການພົວພັນສອງຝ່າຍ, ຫລາຍຝ່າຍເຂົ້າຮ່ວມຢ່າງຕັ້ງຫນ້າໃນບັນດາເວທີປາໄສພາກພື້ນ ແລະ ໂລກເຂົ້າຮ່ວມຂະບວນການຕໍ່ສູ້ຂອງແມ່ຍິງ ແລະ ປະຊາຊົນໂລກເພື່ອສັນຕິພາບ, ເປັນເຈົ້າການໃນການນຳໃຊ້ປະຕິບັດ ແລະ ເຂົ້າຮ່ວມການຕິດຕາມກວດກາ, ຕີລາຄາການປະຕິບັດບັນດາຄຳໝັ້ນສັນຍາສຳຄັນຂອງລັດຖະບານຫວຽດນາມທີ່ກ່ຽວຂ້ອງເຖິງສິດຂອງແມ່ຍິງ ແລະ ຄວາມສະເຫມີພາບລະຫວ່າງຍິງຊາຍ.”
