(vovworld) - ກອງປະຊຸມສະຫຼຸບການພົວພັນຮ່ວມມືສາກົນຂັ້ນທ້ອງຖີ່ນ ໂດຍກະຊວງການຕ່າງປະເທດຫວຽດນາມ ສົມທົບກັບຄະນະກຳມະການປະຊາຊົນ ນະຄອນ ໂຮ່ຈີມິນ ຈັດຕັ້ງໃນຕອນເຊົ້າວັນທີ 18/6 ຢູ່ນະຄອນ ໂຮ່ຈີມິນ. ໄລ່ຮອດເດືອນ 5/2012, ທົ່ວປະເທດມີ 52 ທ້ອງຖີ່ນເຂົ້າຮ່ວມການເຊັນສັນຍາມິດຕະພາບຮ່ວມມື 340 ສະບັບ ກັບກ່ວາ 200 ຄູ່ຮ່ວມມືຂັ້ນທ້ອງຖີ່ນຂອງ 30 ປະເທດໃນໂລກ. ເບິ່ງລວມແລ້ວ, ວຽກງານສ້າງຕັ້ງ, ພັດທະນາການພົວພັນຮ່ວມມືຂອງບັນດາທ້ອງຖີ່ນໃນໄລຍະຜ່ານມາບັນລຸໄດ້ບັນດາໝາກຜົນສຳຄັນ, ປະກອບສ່ວນປະຕິບັດແຜນນະໂຍບາຍ, ນະໂຍບາຍພົວພັນຕ່າງປະເທດຂອງພັກ ແລະ ລັດ, ເປີດກ້ວາງ ແລະ ເຮັດໃຫ້ການພົວພັນຂອງຫວຽດນາມ ກັບບັນດາປະເທດເລີກເຊິ່ງຍິ່ງຂຶ້ນ ເພື່ອຮັບໃຊ້ການພັດທະນາເສດຖະກິດ - ສັງຄົມຂອງທ້ອງຖີ່ນ ແລະ ທົ່ວປະເທດ. ໄລຍະຈະມາເຖິງ, ການພົວພັນຮ່ວມມືສາກົນຂັ້ນທ້ອງຖີ່ນຕ້ອງເປັນເຈົ້າການ, ຕັ້ງໜ້າ ໃນການຊອກຫາ ແລະ ເປີດກ້ວາງບັນດາການພົວພັນໃໝ່, ຫັນໄປສູ່ການຮ່ວມມືມິດຕະພາບ ເປັນ ການຮ່ວມມືແທດຈິງ, ຕ່າງຝ່າຍຕ່າງມີຜົນປະໂຫຍດ. ທ່ານລັດຖະມົນຕີຊ່ວຍວ່າການກະຊວງການຕ່າງປະເທດຫວຽດນາມ Ho Xuan Son ໃຫ້ຮູ້ວ່າ:
“ທີ່ໜຶ່ງພວກເຮົາຢືດໝັ້ນແນວທາງເຊື່ອມໂຍງເຂົ້າກັບສາກົນ ເຊິ່ງກອງປະຊຸມໃຫຍ່ຄັ້ງທີ 11 ຂອງພັກກອມມູນິດຫວຽດນາມ ຫາກໍວາງອອກ, ຕ້ອງຄົ້ນຄ້ວາບັນດາຄູ່ຮ່ວມມືທີ່ດີ, ໃກ້ຊິດຕິດແທດກັບໜ້າທີ່ຂອງທ້ອງຖີ່ນເພື່ອປະຕິບັດວຽກງານພົວພັນຕ່າງປະເທດ ເປັນຢ່າງດີ. ຕ້ອງມີການສົມທົບກັນຢ່າງແໜ້ນແຟ້ນກັບບັນດາກະຊວງ, ຂະແໜງການສູນກາງ ເພື່ອປະກາດຢ່າງທັນການໃຫ້ແກ່ບັນດາກະຊວງການຕ່າງປະເທດ ແລະ ບັນດາອົງການສູນກາງຮັບຊາບເພື່ອມີການໜູນຊ່ວຍ. ທີ່ 3 ແມ່ນວຽກງານພະນັກງານມີຄວາມສຳຄັນຫຼາຍ. ບັນດາພະນັກງານເຮັດວຽກງານຮ່ວມມືສາກົນ, ພົວພັນຕ່າງປະເທດ ຢູ່ທ້ອງຖີ່ນຕ້ອງຮູ້ດີພາສາຕ່າງປະເທດ ແລະ ມີປະສົບການວິຊາຊີບ ເພື່ອເປັນເສນາທິການ ໃຫ້ແກ່ອຳນາດການປົກຄອງຂອງແຂວງ, ນະຄອນ ເຮັດວຽກງານນີ້ເປັນຢ່າງດີ ”
