 ກອງປະຊຸມການພົວພັນຮ່ວມມືລະຫວ່າງສະພາແຫ່ງຊາດ
ຫວຽດນາມ ແລະ ລາວ ພາບ:dangcongsan.vn |
(vovworld) - ວັນທີ 25/4, ບັນດາພາຫະນະສື່ມວນຊົນ ຂອງ ລາວ ລ້ວນແຕ່ລົງພິມຂ່າວກ່ຽວກັບໝາກຜົນຂອງກອງປະຊຸມການພົວພັນຮ່ວມມືລະຫວ່າງສະພາແຫ່ງຊາດ ຫວຽດນາມ ແລະ ລາວ ຖືກຈັດຕັ້ງຂຶ້ນຢູ່ ແຂວງ Son La. ຫນັງສືພິມປະຊາຊົນລາວ ໄດ້ມີບົດວິຈານໃນຫນ້າທຳອິດ ໂດຍຄັດຄຳປາໄສຂອງທ່ານປະທານສະພາແຫ່ງຊາດ ຫວຽດນາມ Nguyen Sinh Hung ແລະ ທ່ານນາງປະທານສະພາແຫ່ງຊາດ ລາວ ປານີ ຢາທໍ່ຕູ້ ດ້ວຍເນື້ອໃນຢືນຢັນເຖິງນ້ຳໃຈມິດຕະພາບແບບພິເສດລະຫວ່າງ ຫວຽດນາມ ແລະ ລາວ. ບັນດາພາຫະນະສື່ມວນຊົນອື່ນກໍ່ໃຫ້ຂໍ້ສັງເກດວ່າ: ນີ້ແມ່ນການເຄື່ອນໄຫວຢ່າງແທດຈິງ, ມີຊີວິດຊີວາເພື່ອຂ່ຳຮັບຮັບຕ້ອນປີແຫ່ງຄວາມສາມັກຄີມິດຕະພາບ ຫວຽດນາມ - ລາວ. ຫນັງສືພິມຕ່າງໆຂອງລາວກໍລົງພິມຂ່າວຕ່າງໆກ່ຽວກັບການເຄື່ອນໄຫວຂອງຄະນະຜູ້ແທນ ສປປ ລາວ ໃນງານລາຕີພົບປະແລກປ່ຽນ ວັດທະນະທຳ ຫວຽດນາມ - ລາວ, ງານວາງສະແດງຮູບພາບ ແລະ ພິທີວາງສີລາລືກເຂດປູຊະນີຍະສະຖານປະຫວັດສາດ ຫວຽດນາມ ລາວ ຢູ່ ບ້ານ Lao Kho. ຫນັງສືພິມລາວຖືວ່າ: ນີ້ບໍ່ພຽງແຕ່ແມ່ນການເຄື່ອນໄຫວຂອງສະພາແຫ່ງຊາດສອງປະເທດ ເທົ່ານັ້ນ ຫາກຍັງສະແດງໃຫ້ເຫັນນ້ຳໃຈມິດຕະພາບແບບພິເສດລະຫວ່າງ ສອງຊາດ ຫວຽດນາມ ແລະ ລາວ.
