 ພິທີເລີ່ມລົງມືກໍ່ສ້າງ
(ພາບ: vietnamplus.vn) |
(vovworld) - ວັນທີ 12/3, ຢູ່ແຂວງບໍລິຄຳໄຊ, ບໍລິສັດຫຸ້ນສ່ວນເຄື່ອງອຸປະກອນສັງລວມ ແທງຮ໋າວ ໄດ້ເລີ່ມດຳເນີນການກໍ່ສ້າງໂຮງງານປຸງແຕ່ງແປ້ງມັນຕົ້ນ ຫວຽດນາມ - ລາວ. ກ່າວຄຳເຫັນຢູ່ທີ່ນີ້, ທ່ານເອກອັກຄະລັດຖະທູດຫວຽດນາມ ປະຈຳລາວ ຕະມິນເຈົາ ຢືນຢັນວ່າ: ນີ້ແມ່ນກິດຈະກຳມີຄວາມໝາຍສຳຄັນໃນ “ປີແຫ່ງຄວາມສາມັກຄີມິດຕະພາບຫວຽດນາມ - ລາວ”, ປະກອບສ່ວນຢ່າງຕັ້ງໜ້າເຂົ້າໃນການພັດທະນາເສດຖະກິດ - ສັງຄົມ ແລະ ປັບປຸງຊີວິດການເປັນຢູ່ຂອງປະຊາຊົນທ້ອງຖິ່ນ. ທ່ານເອກອັກຄະລັດຖະທູດສະເໜີໃຫ້ບໍລິສັດຫຸ້ນສ່ວນເຄື່ອງອຸປະກອນສັງລວມແທງຮ໋ວາ ມານະພະຍາຍາມຈົນສຸດຄວາມສາມາດຂອງຕົນ ເພື່ອສ້າງສຳເລັດກິດຈະກຳຖືກຕາມກຳນົດເວລາ, ຮັບປະກັນຄຸນນະພາບ ແລະ ປະຕິບັດບັນດານະໂຍບາຍກົດໝາຍຂອງປະເທດລາວຢ່າງເຂັ້ມງວດ. ໂຮງງານດັ່ງກ່າວມີຍອດຈຳນວນທຶນ 4 ລ້ານ USD, ສາມາດປຸງແຕ່ງແປ້ງມັນຕົ້ນໄດ້ 100 ໂຕນ/ວັນ, ເຊິ່ງໄດ້ຮັບການກໍ່ສ້າງໃນເນື້ອທີ່ກ່ວາ 26 ha ຢູ່ບ້ານສົບພວນ, ເມືອງຄຳເກີດ, ແຂວງບໍລິຄຳໄຊ. ຄາດວ່າ, ກິດຈະກຳຖືກກໍ່ສ້າງສຳເລັດພາຍໃນເວລາ 18 ເດືອນ, ປະກອບສ່ວນແກ້ໄຂວຽກເຮັດງານທຳໃຫ້ແກ່ກຳມະກອນ 100 ຄົນ ແລະ ສ້າງເປັນເຂດວັດຖຸດິບໃນບໍລິເວນທົ່ວແຂວງ.
