 ພາບປະກອບ: vtv.vn |
AMRO ຄາດວ່າເສດຖະກິດພາກພື້ນອາຊຽນ + 3 (ລວມມີ 10 ປະເທດອາຊີຕາເວັນອອກສ່ຽງໃຕ້ ພ້ອມກັບຈີນ, ຍີ່ປຸ່ນ ແລະ ສ.ເກົາຫຼີ) ຈະສືບຕໍ່ທ່າເຕີບໂຕຢ່າງຕັ້ງໜ້າດ້ວຍລະດັບ 4%ໃນປີ 2026, ສູງກວ່າການຄາດຄະເນກ່ອນນັ້ນ. ກຳລັງໜູນການເຕີບໂຕຫຼັກແມ່ນມາຈາກການຟື້ນຟູຢ່າງແຮງຂອງ ການສົ່ງອອກເຕັກໂນໂລຢີ, ຄວາມຕ້ອງການສູງສຳລັບເອເລັກໂຕນິກ, ຊິບເຄິ່ງຊັກນຳໄຟຟ້າ ແລະ ປັນຍາປະດິດ (AI), ພ້ອມກັບກະແສເງິນລົງທຶນໂດຍກົງຈາກຕ່າງປະເທດ (FDI) ທີ່ຫຼັ່ງໄຫຼເຂົ້າມາອາຊຽນໄດ້, ຊ່ວຍໃຫ້ພາກພື້ນນີ້ຮັກສາບົດບາດໃຈກາງໃນລະບົບສະໜອງທົ່ວໂລກ.
ໃນສະພາບການນັ້ນ, AMRO ຄາດຄະເນວ່າ GDP ຂອງ ຫວຽດນາມ ຈະບັນລຸລະດັບ 7,6%, ນຳໜ້າການເຕີບໂຕໃນພາກພື້ນ ອາຊຽນ + 3. ຂໍ້ສັງເກດນີ້ອີງຕາມພື້ນຖານການຕີລາຄາການເຕີບໂຕຢ່າງຕັ້ງໜ້າຂອງ ຫວຽດນາມໃນປີ 2025, ພ້ອມກັບບົດບາດທີ່ນັບມື້ນັບພົ້ນເດັ່ນຂຶ້ນຂອງພື້ນຖານເສດຖະກິດໃນລະບົບສະໜອງຂອງພາກພື້ນ ແລະ ຄວາມສາມາດດຶງດູດແຫຼ່ງເງິນລົງທຶນ FDI ຢ່າງມີປະສິດທິຜົນ.
