(vovworld) - ກ່າວຄຳເຫັນທີ່ກອງປະຊຸມຄົບຄະນະຂອງສະມັດຊາໃຫຍ່ສະຫະປະຊາຊາດກ່ຽວກັບມະຫາສະມຸດ ແລະ ກົດໝາຍວ່າດ້ວຍທະເລ, ວັນທີ 07/12, ຢູ່ນິວຢອກ, ທ່ານນາງເອກອັກຄະລັດຖະທູດ ຫງວຽນເຟືອງງາ, ຫົວໜ້າຄະນະຜູ້ຕາງໜ້າປະຈຳຂອງຫວຽດນາມ ຢູ່ສະຫະປະຊາຊາດ ໄດ້ຕີລາຄາສູງຜົນສຳເລັດຊອງກອງປະຊຸມຄັ້ງທີ 22 ຂອງອົງການສິດອຳນາດພື້ນມະຫາສະມຸດ (ISA), ມານະພະຍາຍາມພິຈາລະນາບັນດາບົດລາຍງານຂອງຄະນະກຳມະເສັ້ນຊາຍແດນນອກໄຫຼ່ທະວີບ, ກໍຄືບັນດາການເຄື່ອນໄຫວຂອງສານກົດໝາຍວ່າດ້ວຍທະເລ (ITLOS) ແລະ ບັນດາກົນໄກແກ້ໄຂການຂັດແຍ້ງກັນອື່ນໆ ໃນການອະທິບາຍ ແລະ ນຳໃຊ້ສົນທິສັນຍາຂອງສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982 (UNCLOS). ທ່ານນາງ ຫງວຽນເຟືອງງາ ຢືນຢັນວ່າ, UNCLOS ແມ່ນເອກະສານດ້ານກົດໝາຍສຳຄັນໜຶ່ງດຽວທີ່ກຳນົດທຸກໆການເຄື່ອນໄຫວກ່ຽວຂອງເຖິງມະຫາສະມຸດ ແລະ ທະເລ, ປະກອບສ່ວນເພື່ອສັນຕິພາບ, ຄວາມໝັ້ນຄົງ, ຮັບປະກັນຄວາມປອດໄພ, ຄວາມໝັ້ນຄົງ ແລະ ຄວາມເສລີໃນການເດີນເຮືອ ແລະ ການບິນບົນທະເລ. ທຸກໆປະເທດເຖິງວ່າຈະແມ່ນປະເທດໃຫຍ່ ຫຼື ນ້ອຍ, ກໍລ້ວນແຕ່ຕ້ອງປະຕິບັດບັນດາຂໍ້ກຳນົດຂອງສົນທະສັນຍາດ້ວຍເຈດຕະນາດີ ແລະ ມີຄວາມຮັບຜິດຊອບ. ໂດຍແມ່ນປະເທດໜຶ່ງໃນບັນດາທຳອິດທີ່ລົງນາມ ແລະ ໃຫ້ສັດຕະຍາບັນສົນທິສັນຍາ, ຍາມໃດຫວຽດນາມ ກໍເຄົາລົບບັນດາຂໍ້ກຳນົດຂອງສົນທະສັນຍາ, ເຄົາລົບບັນດາສິດ ແລະ ຜົນປະໂຫຍດອັນຊອບທຳຂອງບັນດາປະເທດອື່ນໆ ແລະ ຕັ້ງໜ້າເຂົ້າຮ່ວມບັນດາການເຄື່ອນໄຫວເຊິ່ງໄດ້ຮັບການຈັດຕັ້ງຕາມຂອບເຂດຂອງສົນທິສັນຍາ.
ເມື່ອເຕື້ອງເຖິງບັນດາການຜັນແປຢ່າງສັບສົນຢູ່ທະເລຕາເວັນອອກ, ທ່ານນາງ ຫງວຽນເຟືອງງາ ຮຽກຮ້ອງໃຫ້ທຸກຝ່າຍທີ່ກ່ຽວຂ້ອງຈົ່ງສະງັບໃຈ, ແກ້ໄຂການຂັດແຍ້ງກັນໂດຍສັນຕິວິທີ ບົນພື້ນຖານກົດໝາຍສາກົນ, ໃນນັ້ນມີ UNCLOS, ເຄົາລົບບັນດາວິວັດການດ້ານການທູດ ແລະ ກົດໝາຍ, ປະຕິບັດຖະແຫຼງການຮ່ວມກ່ຽວກັບການປະພຶດຂອງບັນດາຝ່າຍຢູ່ທະເລຕາເວັນອອກ (DOC) ສ້າງກົດແຫ່ງການປະພຶດຂອງບັນດາຝ່າຍຢູ່ທະເລຕາເວັນອອກ (COC) ໃຫ້ສຳເລັດໂດຍໄວ.
