 ເວທີປາໄສໂລກກ່ຽວກັບຊັບພະຍາກອນນ້ຳ
ຄັ້ງທີ 6 ຢູ່ Marseille |
( vovworld ) - ວັນທີ 13/3, ຢູ່ນະຄອນ Marseille, ພາກໃຕ້ປະເທດຝລັ່ງ, ໄດ້ດຳເນີນກອງປະຊຸມລັດຖະມົນຕີເວທີປາໄສໂລກກ່ຽວກັບຊັບພະຍາກອນນ້ຳຄັ້ງທີ 6. ຄະນະຜູ້ແທນຫວຽດນາມ ໂດຍທ່ານລັດຖະມົນຕີກະຊວງຊັບພະຍາກອນ ແລະ ສິ່ງແວດລ້ອມ ຫງວຽນມິງກວາງ ນຳໜ້າ, ໄດ້ເຂົ້າຮ່ວມເວທີປາໄສ ແລະ ປະກອບບາງຂໍ້ລິເລີ່ມທີ່ສຳຄັນ. ຕອບສຳພາດຕໍ່ນັກຂ່າວຂອງວິທະຍຸກະຈາຍສຽງຫວຽດນາມປະຈຳຝລັ່ງ, ທ່ານ ຫງວຽນໄທລາຍ ລັດຖະມົນຕີຊ່ວຍວ່າການກະຊວງຊັບພະຍາກອນ ແລະ ສິ່ງແວດລ້ອມຫວຽດນາມ ໃຫ້ຮູ້ວ່າ.
“ ບຸລິມະສິດຂອງຫວຽດນາມ ຢູ່ເວທີປາໄສແມ່ນຊອກຮູ້ ແລະ ແລກປ່ຽນກ່ຽວກັບການຄຸ້ມຄອງບັນດາແຫຼ່ງນ້ຳໃນໂລກ. ສຳລັບຫວຽດນາມ ແລ້ວ, ເລື່ອງຄ້ຳປະກັນແຫຼ່ງນ້ຳ, ຮ່ວມມືພ້ອມກັນແບ່ງປັນຄຸ້ມຄອງ, ຂຸດຄົ້ນບັນດາແຫຼ່ງນ້ຳສວມບົດບາດສຳຄັນທີ່ສຸດ. ຫວຽດນາມ ນຳເອົາບົດຮຽນໃນເລື່ອງພ້ອມກັບບັນດາປະເທດທີ່ມີແຫຼ່ງນ້ຳຮ່ວມກັນພັດທະນາ, ແຫຼ່ງນ້ຳລະຫວ່າງປະເທດຢ່າງໝັ້ນຄົງໂດຍລະອຽດແມ່ນແຫຼ່ງນ້ຳແມ່ນ້ຳຂອງມາສູ່ເວທີປາໄສ ”
ເວທີປາໄສໂລກກ່ຽວກັບຊັບພະຍາກອນນ້ຳຄັ້ງທີ 6 ຢູ່ Marseille, ແມ່ນໂອກາດເພື່ອໃຫ້ບັນດາຜູ້ແທນສະເໜີຂໍ້ລິເລີ່ມ ແລະ ມາດຕະການຕ່າງໆເພື່ອຜ່ານຜ່າຄວາມຫຍຸ້ງຍາກໃນປະຈຸບັນເພື່ອກ້າວໄປເຖິງການລົງນາມໃນ “ ສັນຍາໂລກກ່ຽວກັບເລື່ອງຄຸ້ມຄອງເຂດລຸ່ມແມ່ນ້ຳ ແລະ ໜອງບຶງເປັນຢ່າງດີ ”. ພິທີລົງນາມນີ້ຄາດວ່າຈະດຳເນີນໄປໃນວັນທີ 16/3.
