( vovworld ) – ກອງປະຊຸມສາກົນຄັ້ງທີ 6 ກ່ຽວກັບການຮັບມືກັບການປ່ຽນແປງຂອງດິນຟ້າອາກາດ ອີ່ງໃສ່ວົງຄະນະຍາດຫວຽດນາມ ຖືກໄຂຂຶ້ນໃນຕອນເຊົ້າວັນທີ 19/4 ຢູ່ຮ່າໂນ້ຍ. ຫວຽດນາມ ແມ່ນປະເທດພວມພັດທະນາເຊິ່ງນວນໃນບັນດາປະເທດມີຄວາມສ່ຽງທີ່ສຸດຕໍ່ການປ່ຽນແປງຂອງດິນຟ້າອາກາດ. ຮັບຮູ້ຢ່າງຈະແຈ້ງບັນດາຜົນສະທ້ອນຂອງການປ່ຽນແປງຂອງດິນຟ້າອາກາດທີ່ມີຕໍ່ການພັດທະນາແບບຍື່ນຍົງຂອງປະເທດຊາດ, ລັດຖະບານຫວຽດນາມ ໄດ້ເຂົ້າຮ່ວມ ແລະ ໃຫ້ສັດຕະຍາບັນສົນທິສັນຍາແມ່ຂອງສະຫະປະຊາຊາດກ່ຽວກັບການປ່ຽນແປງຂອງດິນຟ້າອາກາດ ແລະ ອະນຸສັນຍາ Kyoto. ປີ 2009, ລັດຖະບານຫວຽດນາມ ໄດ້ອະນຸມັດຜ່ານແຜນຮ່າງ “ ຍົກສູງຄວາມຮັບຮູ້ ແລະ ຄວາມສ່ຽງຕໍ່ໄພທຳມະຊາດອີ່ງໃສ່ວົງຄະນະຍາດ ”, ເຊິ່ງໄດ້ດຳເນີນຢູ່ 6000 ຕາແສງ. ທ່ານຮອງລັດຖະມົນຕີກະຊວງຊັບພະຍາກອນ ແລະ ສິ່ງແວດລ້ອມຫວຽດນາມ Tran Hong Ha ໃຫ້ຮູ້ວ່າ.
“ ທ່ານນາຍົດລັດຖະມົນຕີໄດ້ອະນຸມັດຜ່ານຍຸດທະສາດແຫ່ງຊາດກ່ຽວກັບການປ່ຽນແປງຂອງດິນຟ້າອາກາດ ດ້ວຍວິໄສທັດທະລຸລວງໄລຍະເກືອບ 100 ປີ. ສິ່ງດັ່ງກ່າວສະແດງໃຫ້ເຫັນຄຳໝັ້ນສັນຍາ ແລະ ຄວາມມານະພະຍາຍາມສຳຄັນຂອງຫວຽດນາມ ໃນການຮ່ວມມືພ້ອມກັບປະຊາຄົມໂລກຮັບມືກັບການປ່ຽນແປງຂອງດິນຟ້າອາກາດ. ໜື່ງໃນບັນດາເປົ້າໝາຍສຳຄັນທີ່ໄດ້ກຳນົດໃນຍຸດທະສາດແຫ່ງຊາດກ່ຽວກັບການຮັບມືກັບການປ່ຽນແປງຂອງດິນຟ້າອາກາດຂອງຫວຽດນາມ ແມ່ນສ້າງປະຊາຄົມຮັບມືກັບການປ່ຽນແປງຂອງດິນຟ້າອາກາດ, ມີການກະທຳຮັກສາສິ່ງແວດລ້ອມ, ຍົກສູງສະຕິຄວາມຮັບຮູ້ການສຶກສາວົງຄະນະຍາດ ພິເສດແມ່ນບັນດາມາດຕະການຮັບມືຢູ່ກັບທີ່ ”.
ກອງປະຊຸມຈະດຳເນີນຮອດວັນທີ 22/4 ດ້ວຍບັນດາເນື້ອໃນຕົ້ນຕໍ່ລວມມີ; ຍົກສູງສະຕິຄວາມຮັບຮູ້ຂອງວົງຄະນະຍາດກ່ຽວກັບການປ່ຽນແປງຂອງດິນຟ້າອາກາດ, ແບ່ງປັນຄວາມຮູ້ທາງດ້ານການຄຸມຄອງ ແລະ ຮັບມືກັບໄພທຳມະສາດອີ່ງໃສ່ປະຊາຄົມບັນດາປະເທດ, ບັນດາອົງການ ແລະ ຄູ່ຮ່ວມມືຕ່າງໆປະຈຳຫວຽດນາມ ແລະ ສາກົນ.
