ຫວຽດນາມ ມອບຫຼຽນໄຊມິດຕະພາບໃຫ້ ອະດີດປະທານສານປະຊາຊົນສູງສຸດລາວ
ຫວຽດນາມ ມອບຫຼຽນໄຊມິດຕະພາບໃຫ້ ອະດີດປະທານສານປະຊາຊົນສູງສຸດລາວ ຄຳມີ ໄຊຍະວົງ
(vovworld) – ຕອນບ່າຍວັນທີ 15/5, ສານປະຊາຊົນສູງສຸດຫວຽດນາມ ໄດ້ມອບຫຼຽນໄຊມິດຕະພາບຂອງຫວຽດນາມໃຫ້ແກ່ທ່ານ ຄຳມີ ໄຊຍະວົງ, ອະດີດປະທານສານປະຊາຊົນສູງສຸດລາວ, ຍ້ອນໄດ້ມີການປະກອບສ່ວນອັນໃຫຍ່ຫຼວງຫຼາຍຢ່າງໃນພາລະກິດສ້າງສາ ແລະ ພັດທະນາການພົວພັນຮ່ວມມື, ນ້ຳໃຈມິດຕະພາບແບບພິເສດລະຫວ່າງ 2 ພັກ, 2 ລັດ ແລະ ປະຊາຊົນ 2 ປະເທດເວົ້າລວມ, ລະຫວ່າງສານປະຊາຊົນ 2 ປະເທດເວົ້າສະເພາະ. ກ່າວຄຳເຫັນນະພິທີ, ທ່ານ ຄຳມີ ໄຊຍະວົງ ຂໍຂອບອົກຂອບໃຈພັກ ແລະ ລັດຫວຽດນາມ ທີ່ໄດ້ມອບລາງວັນອັນສູງສົ່ງໃຫ້ທ່ານ, ຖືນີ້ແມ່ນແຫຼ່ງລະດົມກຳລັງໃຈອັນໃຫຍ່ຫຼວງ ບໍ່ພຽງແຕ່ສຳລັບທ່ານເອງເທົ່ານັ້ນ ຫາກສຳລັບຂະແໜງສານຂອງລາວໃນການເພີ່ມທະວີການພົວພັນຮ່ວມມືຮອບດ້ານກັບຂະແໜງສານຫວຽດນາມ ເວົ້າສະເພາະ ແລະ ການພົວພັນລະຫວ່າງ 2 ປະເທດເວົ້າລວມ. ທ່ານ ຄຳມີ ໄຊຍະວົງ ຢືນຢັນຈະເຮັດຈົນສຸດຄວາມສາມາດຂອງຕົນ ເພື່ອປົກປັກຮັກສາ ແລະ ພັດທະນາສາຍພົວພັນແບບພິເສດຫວຽດນາມ - ລາວ ໃຫ້ນັບມື້ນັບໝັ້ນຄົງ, ສວດສົດງົດງາມ, ຖືກກັບຄວາມມຸ້ງຫວັງຂອງພັກ, ລັດຖະບານ ແລະ ປະຊາຊົນ 2 ປະເທດກ່ວາອີກ.
