(VOVWORLD) -ສອງປະເທດ ຫວຽດນາມ - ລາວ ໄດ້ສົມທົບກັນຈັດຕັ້ງຫຼາຍການເຄື່ອນໄຫວເພື່ອແນໃສ່ຮັດແໜ້ນນ້ຳໃຈສາມັກຄີ, ມິດຕະພາບ ການຮ່ວມມືພ້ອມກັນພັດທະນາ.
 ພິທີເຄົາລົບຫຼັກໝາຍຊາຍແດນ (ພາບ: TTXVN) |
ວັນທີ 12 ທັນວາ, ຢູ່ເມືອງເຊໂປນ, ແຂວງສະຫວັນນະເຂດ (ລາວ) ແລະ ເມືອງ ເຮືອງຮ໊ວາ, ແຂວງ ກ໋ວາງຈິ ( ຫວຽດນາມ) ໄດ້ດຳເນີນການເຄື່ອນໄຫວທີ່ມີຄວາມໝາຍຫຼາຍຢ່າງໃນລາຍການພົວພັນແລກປ່ຽນມິດຕະພາບການປ້ອງກັນຊາດເຂດຊາຍແດນ ຫວຽດນາມ - ລາວຄັ້ງທີ 1.
ສອງປະເທດ ຫວຽດນາມ - ລາວ ໄດ້ສົມທົບກັນຈັດຕັ້ງຫຼາຍການເຄື່ອນໄຫວເພື່ອແນໃສ່ຮັດແໜ້ນນ້ຳໃຈສາມັກຄີ, ມິດຕະພາບ ການຮ່ວມມືພ້ອມກັນພັດທະນາ.
ຢູ່ປະເທດລາວ ໄດ້ດຳເນີນພິທີຕ້ອນຮັບຄະນະຜູ້ແທນ ຫວຽດນາມ ຢູ່ດ່ານຊາຍແດນ ແດນສະຫວັນ, ແຂວງສະຫວັນນະເຂດ, ເຄົາລົບຫຼັກໝາຍອະທິປະໄຕ, ຖ່າຍຮູບນຳກັນ, ປູກຕົ້ນໄມ້ມິດຕະພາບຢູ່ເຂດດ່ານຊາຍແດນ ແດນສະຫວັນ…
ສ່ວນຢູ່ ຫວຽດນາມ ໄດ້ດຳເນີນພິທີຕ້ອນຮັບທ່ານລັດຖະມົນຕີກະຊວງປ້ອງກັນປະເທດ ຫວຽດນາມ ກັບເມືອປະເທດ ແລະ ທ່ານລັດຖະມົນຕີກະຊວງການຕ່າງປະເທດ ລາວ ມາຫວຽດນາມ ເພື່ອເຂົ້າຮ່ວມການເຄື່ອນໄຫວພົວພັນແລກປ່ຽນຢູ່ ຫວຽດນາມ, ເປັນສັກຂີພະຍານການລາດຕະເວນຮ່ວມ ໂດຍທະຫານປ້ອງກັນຊາຍແດນ ຫວຽດນາມ ຊີ້ນຳ, ປູກຕົ້ນໄມ້ ຢູ່ດ່ານຊາຍແດນສາກົນ ລາວບ໋າວ…
ບັນດາການເຄື່ອນໄຫວໄດ້ຮັບການຕອບສະໜອງ ແລະ ສຸດຈິດສຸດໃຈ ຂອງ ປະຊາຊົນຢູ່ເຂດສອງຝ່າຍເຂດຊາຍແດນ ລະຫວ່າງ ຫວຽດນາມ - ລາວ. ຜ່ານນັ້ນ ປະກອບສ່ວນຊຸກຍູ້, ເພີ່ມທະວີການພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີ ແບບ ພິເສດ, ການຮ່ວມມືຮອບດ້ານ ລະຫວ່າງ ກອງທັບ ແລະ ທະຫານປ້ອງກັນຊາຍແດນ ສອງປະເທດ ຫວຽດນາມ - ລາວ.
