 (ພາບ: TTXVN) |
ທີ່ກອງປະຊຸມຈັດຂຶ້ນໃນຕອນບາຍຂອງວັນທີ 29 ພະຈິກ, ສອງຝ່າຍໄດ້ເຫັນດີເປັນເອກະສັນ ຈະສືບຕໍ່ສົມທົບກັນຮັບໃຊ້ບັນດາການໄປຢ້ຽມຢາມ ແລະ ພົບປະຂັ້ນສູງໃຫ້ເປັນຢ່າງດີ; ປະກອບສ່ວນກະກຽມໃຫ້ແກ່ກອງປະຊຸມຄະນະກຳມະການ ລະຫວ່າງລັດຖະບານ ຫວຽດນາມ-ລາວ ຄັ້ງທີ 43 ໂດຍພາຍໃຕ້ການເປັນປະທານ ຂອງທ່ານນາຍົກລັດຖະມົນຕີສອງປະເທດ; ຫນູນຊ່ວຍ ແລະ ສົມທົບກັບບັນດາກະຊວງ, ຂະແຫນງການທີ່ກ່ຽວຂ້ອງຂອງສອງປະເທດ ເພື່ອປະຕິບັດບັນດາຂໍ້ຕົກລົງ, ໂຄງການ, ລາຍການຮ່ວມມື ຫວຽດນາມ-ລາວ ເປັນຢ່າງດີ, ໂດຍສະເພາະແມ່ນບັນດາໂຄງການຈຸດສຸມ.
ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽກນາມ ຟ້າມບິນມິນ ຢືນຢັນວ່າ ຫວຽກນາມ ຈະຕັ້ງຫນ້າສົມທົບ ແລະ ສະຫນັບສະຫນູນລາວ ຈັດຕັ້ງກອງປະຊຸມຂັ້ນສູງ ຍຸດທະສາດຮ່ວມມືເສດຖະກິດ Ayaoadi ChaoPhraya - ແມ່ຂອງ (ACMECS) ຄັ້ງທີ 9, ກອງປະຊຸມຂັ້ນສູງ ກຳປູເຈຍ-ລາວ-ມຽນມາ-ຫວຽດນາມ (CLMV) ຄັ້ງທີ 10 ແລະ ກອງປະຊຸມຂັ້ນສູງສາມຫລ່ຽມພັດທະນາ ກຳປູເຈຍ-ລາວ-ຫວຽດນາມ ຄັ້ງທີ 11 (CLV) ສຳເລັດຜົນ.
ລັດຖະມົນຕີສອງທ່ານເຫັນດີເປັນເອກະສັນ ຈະສືບຕໍ່ສົມທົບກັນຢ່າງແໜ້ນແຟ້ນ ຢູ່ບັນດາເວທີປາໄສພາກພື້ນ ແລະ ສາກົນ. ເປັນເຈົ້າການ ແລະ ຕັ້ງໜ້າແບ່ງປັນຂໍ້ມູນຂ່າວສານ ແລກປ່ຽນທັດສະນະ ແລະ ສົມທົບຫຼັກໝັ້ນປຶກສາຫາລືຢູ່ໃນທຸກຊ່ອງ ແລະ ທຸກຂັ້ນ.
ເນື່ອງໃນໂອກາດທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽກນາມ ຟ້າມບິນມິນ ໄປຢ້ຽມຢາມລາວ ຄັ້ງນີ້, ບໍລິສັດການບິນແຫ່ງຊາດຫວຽດນາມ (VNA) ໄດ້ເຊື່ອມຕໍ່ສາຍການບິນການຄ້າທຳອິດລະຫວ່າງ ຮ່າໂນ້ຍ-ວຽງຈັນ ຄືນໃໝ່ ນັບແຕ່ເມື່ອໂລກລະບາດໂຄວິດ 19 ເກີດຂຶ້ນ.
