 ພາບປະກອບ
|
( vovworld ) – ວັນທີ 12/3, ຕາມເວລາອາເມລິກາ, ຢູ່ນະຄອນ Boston ລັດ Massachussetts ໄດ້ຈັດງານຕະຫຼາດນັດສິນໃນນ້ຳສາກົນ. ນີ້ແມ່ນງານຕະຫຼາດນັດຂະໜາດໃຫ່ຍກ່ວາໝູ່ໃນເຂດ ອາເມລິກາເໜືອ ກ່ຽວກັບບັນດາຜະລິດຕະພັນສິນໃນນ້ຳແຊເຢັນ ແລະ ບັນຈຸກະປ່ອງ ກໍ່ຄືລະບົບເຄື່ອງອຸປະກອນປຸງແຕ່ງ ໂດຍມີການເຂົ້າຮ່ວມຂອງກ່ວາ 900 ບໍລິສັດປຸງແຕ່ງ, ສົ່ງອອກນຳເຂົ້າ, ແຈກຢາຍ, ບັນດາ Supermaket ຢູ່ອາເມລິກາ ແລະ ຫຼາຍປະເທດອື່ນໃນໂລກ. ຫວຽດນາມມີ 26 ວິສາຫະກິດໄດ້ເຂົ້າຮ່ວມງານຕະຫຼາດນັດຄັ້ງນີ້. ທ່ານ ຫງວຽນຫີ໋ວຢູ໋ງ, ຮອງປະທານສະຫະສະມາຄົມປຸງແຕ່ງ ແລະ ສົ່ງອອກສິນໃນນ້ຳຫວຽດນາມ ໃຫ້ຮູ້ວ່າ: ການເຂົ້າຮ່ວມງານຕະຫຼາດນັດສິນໃນນ້ຳສາກົນ Boston ແມ່ນໜື່ງໃນບັນດາໂຄງການສົ່ງເສີມການຄ້າຈຸດສຸມຂອງຫວຽດນາມ ໃນປີ 2012:
“ໃນງານຕະຫຼາດນັດຄັ້ງນີ້, ບັນດາປະເທດອາເມລິກາລາຕິນຄື: Colombia, Brazil, Ecuado…ມີຄວາມຕ້ອງການນຳເຂົ້າປາຈາ. ປີນີ້, ບັນດາລູກຄ້າຈາກອາເມລິກາລາຕິນ ຈະສ້າງການພົວພັນກັບບັນດາວິສາຫະກິດຫວຽດນາມ ເພື່ອຊື້ປາ, ນີ້ແມ່ນສິ່ງທີ່ແຕກຕ່າງກັບງານຕະຫຼາດນັດອື່ນ ແລະ ໃນຊຸມປີກ່ອນ. ສະນັ້ນ, ບັນດາວິສາຫະກິດຫວຽດນາມ ໄດ້ວາງຈຸດໝາຍຈະສືບຕໍ່ຮັກສາ ແລະ ພັດທະນາຕະຫຼາດອາເມລິກາ ແລະ ເອົາໃຈໃສ່ເປັນພິເສດເຖິງການພັດທະນາຕະຫຼາດອາເມລິກາລາຕິນ“
ງານຕະຫຼາດນັດສິນໃນນ້ຳສາກົນ Boston ດຳເນີນໄປໃນເວລາ 3 ວັນ ດ້ວຍບັນດາກອງປະຊຸມ, ການສຳມະນາສາກົນກ່ຽວກັບຂົງເຂດລ້ຽງປູກ, ປຸງແຕ່ງ ແລະສົ່ງອອກສິນໃນນ້ຳ.
