ຫວຽດນາມເຂົ້າຮ່ວມງານຕະຫຼາດນັດສາກົນ Algers ຄັ້ງທີ 45
( vovworld ) – ງານຕະຫຼາດນັດສາກົນ Algers ຄັ້ງທີ 45 ໄດ້ດຳເນີນໄປແຕ່ວັນທີ 30/5-5/6 ຢູ່ສູນວາງສະແດງຢູ່ນະຄອນຫຼວງ Algers ດ້ວຍຫົວຂໍ້ວ່າ: “50 ປີແຫ່ງການກໍ່ສ້າງ“ ແລະ ນອນໃນຂອບເຂດບັນດາການເຄືອ່ນໄຫວສະເຫຼີມສະຫຼອງ 5 ປີແຫ່ງວັນ Algeria ຍາດໄດ້ເອກະລາດ. ງານຕະຫຼາດນັດຄັ້ງນີ້ມີການເຂົ້າຮ່ວມຂອງ 620 ວິສາຫະກິດທີ່ມາຈາກ 36 ປະເທດ, ໃນນັ້ນມີ 9 ປະເທດມາຈາກເອີລົບ, 6 ປະເທດມາຈາກທະວີບອາເມລິກາ, 8 ປະເທດມາຈາກໂລກອາຣັບ, 1 ປະເທດອາຟຼິກກາ ແລະ 4 ປະເທດມາຈາກອາຊີ, ລວມມີ: ຈີນ, ອິນເດຍ, ມາເລເຊຍ ແລະ ຫວຽດນາມ. ບັນດາວິສາຫະກິດຫວຽດນາມ ເຂົ້າຮ່ວມງານຕະຫຼາດນັດດ້ວຍບັນດາປະເພດສິນຄ້າຄື: ເຄື່ອງສິລະປະຫັດຖະກຳ, ເຄື່ອງຄັດມັນ, ເຄື່ອງເຟີນີເຈີຝັງມຸກ, ເຄື່ອງຕັດຫຍີບ, ເຄື່ອງຈັກສານ, ຂອງທີ່ລະນຶກ…ຊື່ງໄດ້ດຶງດູດຄວາມສົນໃຈຈາກລູກຄ້າຫຼາຍຄົນ. ທ່ານ Nguyen Van Mui ທູດການຄ້າສະຖານທູດຫວຽດນາມ ປະຈຳ Algeria ໃຫ້ຮູ້ວ່າ: ການສົ່ງອອກຂອງຫວຽດນາມໄປຍັງ Algeria ໃນ 4 ເດືອນຕົ້ນປີ 2012 ບັນລຸກ່ວາ 64 ລ້ານໂດລາສະຫະລັດ, ເພີ່ມຂຶ້ນປະມານ 65% ເມື່ອທຽບກັບໄລຍະດຽວກັນຂອງປີກາຍ. ບັນດາປະເພດສິນຄ້າຕົນຕໍຂອງຫວຽດນາມ ທີ່ສົ່ງໄປຂາຍຢູ່ Algeria ແມ່ນການເຟ ແລະ ເຂົ້າສານ.
