( vovworld ) – ໃນຂອບເຂດການເຂົ້າຮ່ວມງານວາງສະແດງສາກົນກ່ຽວກັບອຸປະກອນການທະຫານ ແລະ ປ້ອງກັນຊາດປ້ອງກັນຄວາມສະຫງົບທີ່ມີຊື່ວ່າ “ ການບໍລິການປ້ອງກັນຊາດອາຊີ ” ( DSA ) ຄັ້ງທີ 13, ເຊິ່ງຈັດຂຶ້ນຢູ່ນະຄອນຫຼວງ Kuala Lumpur, ປະເທດ ມາເລເຊຍ ແຕ່ວັນທີ 16 – 19/4, ວັນທີ 17/4, ຄະນະຜູ້ແທນຂັ້ນສູງກະຊວງປ້ອງກັນຊາດຫວຽດນາມ, ໂດຍທ່ານຮອງເສນາທິການໃຫຍ່ກອງທັບປະຊາຊົນຫວຽດນາມ, ທ່ານພົນຈັດຕະວາ Phan Van Giang ນຳໜ້າ, ໄດ້ເຂົ້າຮ່ວມເວທີປາໃສ Putrajaya ກ່ຽວກັບການປ້ອງກັນຊາດປ້ອງກັນຄວາມສະຫງົບເພື່ອສັນຕິພາບ. ກ່ອນໜ້ານັ້ນ, ວັນທີ 16/4, ຄະນະຜູ້ແທນໄດ້ເຈົ້າຮ່ວມງານວາງສະແດງສາກົນກ່ຽວກັບອຸປະກອນການທະຫານ ແລະ ປ້ອງກັນຊາດປ້ອງກັນຄວາມສະຫງົບ. ງານວາງສະແດງຄັ້ງນີ້, ຄັ້ງນີ້ໄດ້ດຶງດູດບໍລິສັດ 850 ແຫ່ງທີ່ມາຈາກ 45 ປະເທດໃນໂລກເຂົ້າຮ່ວມ. ງານວາງສະແດງແມ່ນໂອກາດເພື່ອໃຫ້ຄະນະຜູ້ແທນການທະຫານບັນດາປະເທດເວົ້າລວມ ແລະ ຫວຽດນາມ ເວົ້າສະເພາະຊອກຮູ້ຄຸນລັກສະນະ ກໍຄືເຕັກໂນໂລຊີໃໝ່ຂອງບັນດາປະເພດອາວຸດທັນສະໄໝໃນປະຈຸບັນ, ພ້ອມກັນນັ້ນກໍ່ແມ່ນໂອກາດເພື່ອໃຫ້ບັນດາຄະນະຜູ້ແທນພົບປະ ແລະ ແລກປ່ຽນບົດຮຽນໃນການຈັດຕັ້ງ, ນຳໃຊ້ເຕັກໂນໂລຊີສູງເຂົ້າໃນຂົງເຂດປ້ອງກັນຊາດປ້ອງກັນຄວາມສະຫງົບ.
