ຫວຽດນາມ ເຂົ້າຮ່ວມພິທີສະເຫຼີມສະຫຼອງວັນວິສາຂະບູຊາສາກົນຢູ່ ສະຫະປະຊາຊາດ
(vovworld) – ພິທີສະເຫຼີມສະຫຼອງວັນວິສາຂະບູຊາສາກົນປີນີ້ ຫາກໍຖືກຈັດຕັ້ງຢູ່ສຳນັກງານ ສາຫະປະຊາຊາດ ຢູູ່ ເຊີແນວ, ປະເທດສະວິດ. ການເຄື່ອນໄຫວນີ້ ໂດຍຄະນະປະຕິບັດງານ ສີລັງກາ ປະຈຳສະຫະປະຊາຊາດ ຮັບຜິດຊອບການຈັດຕັ້ງ. ກ່າວຄຳເຫັນນະພິທີ, ທ່ານເອກອັກຄະລັດຖະທູດຫວຽດນາມ Pham Vinh Quang, ຮອງຫົວໜ້າຄະນະຜູ້ຕາງໜ້າຫວຽດນາມ ປະຈຳ ສະຫະປະຊາຊາດຖືວ່າ: ໃນສະພາບການມະນຸດພວມຍື່ນຢູ່ຕໍ່ໜ້າການທ້າທາຍຫຼາຍຢ່າງທີ່ສັບສົນຄື: ສົງຄາມ, ການປະທະກັນ, ການປ່ຽນແປງຂອງດິນຟ້າອາກາດ, ຂາດຄວາມໝັ້ນຄົງດ້ານພະລັງງານ, ຂາດການຄ້ຳປະກັນດ້ານສະບຽບອາຫານ ແລະ ພະນັກງານບັນດາຄຳສັ່ງສອນຂອງພະພຸດທະເຈົ້າ ຍິ່ງມີຄວາມໝາຍກ່ວາເວລາໃດໝົດ. ທ່ານເອອັກຄະລັດຖະທູດ Pham Vinh Quang ເນັ້ນໜັກນະໂຍບາຍຢ່າງສະເໝີຕົ້ນສະເໝີປາຍຂອງລັດຫວຽດນາມ ກ່ຽວກັບຄວາມສາມັກຄີບັນດາເຜົ່າ, ສາສະໜາ, ລະຫວ່າງຜູ້ເຊື່ອຖືສາສະໜາ ແລະ ບໍ່ເຊື່ອຖືສາສະໜາ, ດ່ັງນັ້ນ ພຸດທະສາສະໜາໄດ້ພັດທະນາຢ່າງວ່ອງໄວຢູ່ຫວຽດນາມ. ປະຈຸບັນ, ຢູ່ຫວຽດນາມ ມີສາສະນິກະຊົນກ່ວາ 12 ລ້ານຄົນ, ມີພະສົງສາມະເນນກ່ວາ 40.000 ອົງ, ວັດວາອາຣາມປະມານ 15.000 ແຫ່ງ ແລະ ໂຮງຮຽນສົງ 36 ແຫ່ງ. ພຸດທະສາສະໜາຫວຽດນາມ ຍັງເຂົ້າຮ່ວມການຮ່ວມມືສາກົນເພື່ອແນໃສ່ສ້າງໂລກປອດການໃຊ້ຄວາມຮຸນແຮງ ແລະ ອາຄາດບາດໝາງ, ເພື່ອສັນຕິພາບ, ຄວາມປອງດອງ ແລະ ມາດຕາກະລຸນາເຂົ້າຮ່ວມບັນດາການເຄື່ອນໄຫວສະເຫຼີມສະຫຼອງວັນວິສາຂະບູຊາປີນີ້, ຄະນະປະຕິບັດງານຫວຽດນາມ ຍັງແນະນຳບັນດາເຍື່ອງອາຫານເຈພື້ນເມືອງຂອງຫວຽດນາມ ໃຫ້ແກ່ເພື່ອນມິດສາກົນ.
