ວັນທີ 12 ມັງກອນ, ທ່ານນາງ Julie Bishop, ລັດຖະມົນຕີການຕ່າງປະເທດ ອົດສະຕາລີ ປະກາດບັນຊີລາຍຊື່ການນຳໜຸ່ມ 15 ທ່ານ ທີ່ໄດ້ຮັບການຄັດເລືອກຈາກ ອົດສະຕາລີ ແລະ 10 ປະເທດ ອາຊຽນ ເຂົ້າຮ່ວມລາຍການການນຳຫາກໍ່ພົ້ນເດັ່ນ ອົດສະຕາລີ - ອາຊຽນ 2018 (A2ELP). ນັກທຸລະກິດໜຸ່ມ ດ່ວານແທງຕູ່ງ, ຜູ້ອຳນວຍການບໍລິສັດ ວິສາຫະກິດສັງຄົມ ຫາຍດັງ ຈຳກັດ, ເຊິ່ງເປັນນັກທຸລະກິດດີເດັ່ນໃນການເຄື່ອນໄຫວເພື່ອວົງຄະນະຍາດ, ເປັນກຽດໄດ້ຮັບການຄັດເລືອກເປັນຜູ້ຕາງໜ້າຂອງ ຫວຽດນາມ ເຂົ້າຮ່ວມລາຍການນີ້.
ທ່ານນາງລັດຖະມົນຕີ Julie Bishop ຊີ້ແຈ້ງວ່າ: ບັນດາການນຳໜຸ່ມໄດ້ຮັບການຄັດເລືອກຈະເຂົ້າຮ່ວມລາຍການແກ່ຍາວເປັນເວລາ 3 ເດືອນ, ເລີ່ມແຕ່ຕົ້ນເດືອນ ມີນາ 2018, ໃນນັ້ນມີລາຍການລົງເລິກຂະແໜງເປັນເວລາ 10 ວັນຢູ່ Melbourne ແລະ Sydney ດ້ວຍບັນດາກອງປະຊຸມສຳມະນາ, ເຫດການ, ການຢ້ຽມຢາມ, ການເຄື່ອນໄຫວວັດທະນະທຳ… ບັນດາລາຍການນີ້ຊ່ວຍໃຫ້ບັນດາການນຳໜຸ່ມຊອກຮູ້ບົດບາດຂອງວິສາຫະກິດ ໃນການຊຸກຍູ້ປ່ຽນແປງສັງຄົມ, ເພີ່ມທະວີຄວາມເຂົ້າໃຈກ່ຽວກັບບັນດາຄວາມສ່ຽງໃນສັງຄົມ, ພ້ອມທັງຮ່ຳຮຽນເອົາບົດຮຽນເພື່ອພັດທະນາວິສາຫະກິດຂອງເຂົາເຈົ້າ ແລະ ເປີດກ້ວາງຂອບເຂດຜົນສະທ້ອນ. ບັນດາການນຳໜຸ່ມທີ່ໄດ້ຮັບການຄັດເລືອກເຂົ້າຮ່ວມລາຍການ A2ELP ປີ 2018 ກໍ່ຈະໄດ້ເຂົ້າຮ່ວມກອງປະຊຸມຂັ້ນສູງພິເສດ ອາຊຽນ - ອົດສະຕາລີ ຢູ່ Sydney ໃນເດືອນມີນານີ້.
