( vovworld ) - ວັນທີ 7/6, ກ່າວຄຳເຫັນຢູ່ກອງປະຊຸມສະມັດຊາໃຫຍ່ອົງການແຮງງານສາກົນ ( ILO ) ຄັ້ງທີ 101 ເຊິ່ງຖືກຈັດຂຶ້ນທີ່ສຳນັກງານສະຫະປະຊາຊາດ ຢູ່ເຊີແນວ, ປະເທດສະວິດ, ທ່ານຮອງລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມຫວຽດນາມ Doan Mau Diep ຫົວໜ້າຄະນະຜູ້ແທນຫວຽດນາມ ທີ່ໄປເຂົ້າຮ່ວມກອງປະຊຸມໃຫ້ຮູ້ວ່າ ຍາມໃດເລື່ອງວຽກເຮັດງານທຳກໍ່ແມ່ນຄວາມເອົາໃຈໃສ່ອັນດັບໜື່ງຢູ່ຫວຽດນາມ. ລັດຖະບານຫວຽດນາມ ໄດ້ອະນຸມັດຜ່ານໂຄງການວຽກເຮັດງານທຳໃຫ້ແກ່ໄວໜຸ່ມ ດ້ວຍເປົ້າໝາຍກໍ່ສ້າງແຫຼ່ງຊັບພະຍາກອນມະນຸດໜຸ່ມທີມີຄຸນນະພາບສູງ,ຕອບສະໜອງຄວາມຕ້ອງການພັດທະນາເສດຖະກິດສັງຄົມ, ໃນນັ້ນ, ບັນຫາສ້າງວຽກເຮັດງານທຳ, ຍົກສູງຄຸນນະພາບການສຶກສາ, ບຳລຸງເຕັກນິກເຮັດວຽກ, ກໍ່ຮ່າງສ້າງຕົວ… ແມ່ນບັນດາເປົ້າໝາຍພື້ນຖານຂອງໂຄງການນີ້. ຫວຽດນາມ ຊົມເຊີຍການປຶກສາຫາລືບົດລາຍງານ “ ເພື່ອເຮັດໃຫ້ວິວັດການໂລກາພິວັດມີ ໂສມໜ້າວັດທະນະທຳມະນຸດ ”, ໃນນັ້ນສະທ້ອນໃຫ້ເຫັນໂດຍສັງລວມກ່ຽວກັບກົດໝາຍ ແລະ ພຶດຕິກຳຕົວຈິງກ່ຽວກັບບັນດາສິດ ແລະ ຫຼັກການອັນເປັນພື້ນຖານໃນການອອກແຮງງານຢູ່ບັນດາປະເທດສະມາຊິກ; ພ້ອມກັນນັ້ນຖອດຖອນບົດຮຽນຕ່າງໆ, ແບ່ງປັນບັນດາຂໍ້ລິເລີ່ມທີ່ດີເຊິ່ງໄດ້ນຳໃຊ້ຢູ່ປະເທດຕ່າງໆ ເພື່ອແນໃສ່ຊຸກຍູ້ບັນດາສິດ ແລະ ຫຼັກການທີເປັນພື້ນຖານໃນການອອກແຮງງານ.
