 ທ່ານພົນຕີຮ່ວາງຊວັນຈ໊ຽນ ຜູ້ບັນຊາການທະຫານຊາຍແດນຫວຽດນາມມອບເງິນຈຳນວນ 90 ລ້າຍກີບ ໃຫ້ກະຊວງປ້ອງກັນປະເທດລາວ (ພາບ: TTXVN) |
ວັນທີ 11 ກັນຍາ, ຢູ່ສຳນັກງານກະຊວງປ້ອງກັນປະເທດລາວຢູ່ນະຄອນຫຼວງວຽງຈັນ, ທ່ານພົນຕີຮ່ວາງຊວັນຈ໊ຽນ, ຜູ້ບັນຊາການທະຫານຊາຍແດນຫວຽດນາມ, ໄດ້ນຳໜ້າຄະນະຜູ້ແທນຫວຽດນາມມີການພົບປະເຈລະຈາກັບຄະນະຜູ້ແທນກົມທະຫານຊາຍແດນລາວໂດຍທ່ານພົນຈັດຕາວາ ສີພັນ ພຸດທະວົງ ຫົວໜ້າກົມເປັນຫົວໜ້າຄະນະ.
ທີ່ກອງປະຊຸມພົບປະເຈລະຈາ, ສອງຝ່າຍໄດ້ແລກປ່ຽນ, ເຫັນດີເປັນເອກະພາບຕໍ່ການຕີລາຄາໝາກຜົນວຽກງານສົມທົບກັນໃນໄລຍະຜ່ານມາ ແລະ ບາງເນື້ອໃນໃນວຽກງານສົມທົບ, ຄຸ້ມຄອງຊາຍແດນໃນໄລຍະຈະມາເຖິງ.
ຕາມນັ້ນແລ້ວ, ສອງຝ່າຍສືບຕໍໍ່ຊີ້ນຳບັນດາອົງການ, ກົມກອງປະຕິບັດຂໍ້ຕົກລົງວ່າດ້ວຍການຮ່ວມມືຊາຍແດນລະຫວ່າງສອງຝ່າຍໃຫ້ມີປະສິດທິຜົນ; ຕັ້ງໜ້າໂຄສະນາ, ສຶກສາອົບຮົມປະຊາຊົນຢູ່ເຂດຊາຍແດນ 2 ປະເທດກ່ຽວກັບບັນຫາທີ່ກ່ຽວຂ້ອງເຖິງເສັ້ນຊາຍແດນແລະ ຫຼັກໝາຍຊາຍແດນ.
ເນື່ອງໃນໂອກາດນີ້, ທ່ານພົນຕີຮ່ວາງຊວັນຈ໊ຽນ ຕາງໜ້າຄະນະມອບເງິນຈຳນວນ 90 ລ້າຍກີບ ໃຫ້ກະຊວງປ້ອງກັນປະເທດລາວເພື່ອຊ່ວຍເຫຼືອປະຊາຊົນຢູ່ທາງແຂວງພາກກາງ ແລະ ພາກໃຕ້ລາວແກ້ໄຂຜົນຮ້າຍຢ້ອນຫຼັງຈາກໄພທຳມະຊາດແລະ ມີການດຳລົງຊີວິດເປັນປົກກະຕິໂດຍໄວ.
