ຫວຽດນາມ ແລະ ສະຫະປະຊາຊາດ ເພີ່ມທະວີການຊຸກຍູ້ບັນດາຂໍ້ລິເລີ່ມການຄຸ້ມຄອງເຕັກໂນໂລຊີທົ່ວໂລກ

ທ່ານ ດັ້ງຮວ່າງຢາງ, ຮອງລັດຖະມົນຕີການຕ່າງປະເທດ ຫວຽດນາມ ທີ່ການຕ້ອນຮັບທ່ານ Amandeep Singh Gill, ຮອງເລຂາທິການໃຫຍ່ສະຫະປະຊາຊາດ (ພາບ: qdnd.vn)

ຫວຽດນາມ ຖືການພັດທະນາກຳລັງຄວາມສາມາດ ແລະ ເພີ່ມທະວີຄວາມເປັນເຈົ້າດ້ານວິທະຍາສາດ, ເຕັກໂນໂລຊີ, ນະວັດຕະກຳ ແລະ ການຫັນເປັນດີຈີຕອນ ແມ່ນບຸລິມະສິດຍຸດທະສາດ - ນີ້ແມ່ນຄຳຢືນຢັນຂອງທ່ານ ດັ້ງຮວ່າງຢາງ, ຮອງລັດຖະມົນຕີການຕ່າງປະເທດ ຫວຽດນາມ ທີ່ການຕ້ອນຮັບທ່ານ Amandeep Singh Gill, ຮອງເລຂາທິການໃຫຍ່ສະຫະປະຊາຊາດ, ທູດພິເສດຂອງ ທ່ານເລຂາທິການໃຫຍ່ສະຫະປະຊາຊາດກ່ຽວກັບເຕັກໂນໂລຊີ, ໃນວັນທີ 16 ມັງກອນ, ຢູ່ ຮ່າໂນ້ຍ.

ຢູ່ທີ່ນີ້, 2 ຝ່າຍໄດ້ເຫັນດີເປັນເອກະພາບເພີ່ມທະວີການຮ່ວມມືຊຸກຍູ້ບັນດາຂໍ້ລິເລີ່ມການຄຸ້ມຄອງເຕັກໂນໂລຊີທົ່ວໂລກ ກໍຄືຊຸກຍູ້ການຮ່ວມມືລະຫວ່າງ ອາຊຽນ ແລະ ສະຫະປະຊາຊາດ ໃນຂົງເຂດວິທະຍາສາດ, ເຕັກໂນໂລຊີ, ປັນຍາປະດິດ. ນອກນັ້ນ, ທ່ານຮອງລັດຖະມົນຕີ ດັ້ງຮວ່າງຢາງ ກໍ່ສະເໜີໃຫ້ສະຫະປະຊາຊາດ ສ້າງເງື່ອນໄຂເພື່ອໃຫ້ ຫວຽດນາມ ເຂົ້າຮ່ວມບັນດາກົນໄກຄົ້ນຄວ້າ, ໃຫ້ຄຳປຶກສາດ້ານນະໂຍບາຍ ແລະ ການຄຸ້ມຄອງປັນຍາປະດິດຂອງສະຫະປະຊາຊາດຢ່າງເລິກເຊິ່ງກວ່າ.