(vovworld) - ຕອນເຊົ້າວັນທີ 9/5, ຢູ່ຮ່າໂນ້ຍ, ຫ້ອງວ່າການປະທານປະເທດ ໄດ້ຈັດການປະຊຸມຂ່າວປະກາດຄຳສັ່ງຂອງປະທານປະເທດ ກ່ຽວກັບລັດຖະບັນຍັດປະມວນລະບົບນິຕິກຳ ແລະ ລັດຖະບົນຍັດວ່າດ້ວຍຄ່າໃຊ້ຈ່າຍໃຫ້ແກ່ການກວດກາຕີລາຄາ, ກຳນົດເວລາ, ຄ່າໃຊ້ຈ່າຍໃຫ້ແກ່ຜູ້ເປັນຕົວພະຍານ, ຄົນແປພາສາໃນການເຄື່ອນໄຫວດຳເນີນຄະດີ. ທ່ານຮອງປະທານສານປະຊາຊົນສູງສຸດ Nguyen Son ໃຫ້ຮູ້ວ່າ: ປະຈຸບັນ, ສານປະຊາຊົນສູງສຸດພວມກະກຽມບັນດາວຽກງານທີ່ຈຳເປັນເພື່ອຮັບປະກັນປະຕິບັດລັດຖະບັນຍັດເປັນຢ່າງດີ. ລັດຖະບັນຍັດໄດ້ຮັບການປະກາດໃຊ້ ເພື່ອແນໃສ່ສ້າງພື້ນຖານດ້ານນິຕິກຳ ເພື່ອໃຫ້ບັນດາອົງການແຫ່ງລັດຂັ້ນສູນກາງ, ໃນໄລຍະເວລາໃດໜຶ່ງ ແລະ ຕາມຂັ້ນຕອນ, ລະບຽບການເປັນເອກະພາບ, ດຳເນີນການຕິດຕາມກວດກາ, ເຕົ້າໂຮມບັນດານິຕິກຳທີ່ພວມປະກາດໃຊ້, ຈັດຕາມລະບຽບຢ່າງເໝາະສົມ ແລະ ຊອກຫາຢ່າງງ່າຍດາຍປະມວນກົດໝາຍຊ່ວຍປະຢັດເວລາ, ຄ່າໃຊ້ຈ່າຍໃຫ້ແກ່ບັນດາອົງການແຫ່ງລັດ, ອົງການຈັດຕັ້ງ, ວິສາຫະກິດ ແລະ ປະຊາຊົນ, ປະກອບສ່ວນເຮັດໃຫ້ລະບົບກົດໝາຍໂປ່ງໃສລັດຖະບັນຍັດວ່າດ້ວຍລະບົບນິຕິກຳມີຜົນສັດສິດນັບແຕ່ວັນທີ 1/7/2013, ລັດຖະບັນຍັດວ່າດ້ວຍຄ່າໃຊ້ຈ່າຍໃຫ້ແກ່ການກວດກາ, ຕີລາຄາກຳນົດລາຄາ, ຄ່າໃຊ້ຈ່າຍໃຫ້ແກ່ຕົວພະຍານ, ຄົນແປພາສາໃນການເຄື່ອນໄຫວດຳເນີນຄະດີ ເລີ່ມມີຜົນສັກສິດນັບແຕ່ວັນທີ 1/1/2013 ເປັນຕົ້ນໄປ.
