( vovworld ) – ວັນທີ 5/4, ອົງຄະນະພັກຄະນະໂຄສະນາສຶກສາສູນກາງ ໄດ້ຈັດຕັ້ງກອງປະຊຸມເຜີຍແຜ່, ຊາບຊຶມມະຕິສູນກາງຄັ້ງທີ 4 ຊຸດທີ 11. ກ່າວຄຳເຫັນຊີ້ນຳກອງປະຊຸມ, ທ່ານ Dinh The Huynh ກຳມະການກົມການເມືອງ, ເລຂາສູນກາງພັກ, ຫົວໜ້າຄະນະໂຄສະນາສຶກສາສູນກາງ ໄດ້ເນັ້ນໜັກເຖິງຄວາມສຳຄັນພິເສດຂອງມະຕິສູນກາງຄັ້ງທີ 4 ຊຸດທີ 11 “ ບາງບັນຫາຮີບດ່ວນກ່ຽວກັບການກໍ່ສ້າງພັກໃນປະຈຸບັນ ” ແລະ ບົດບາດຕັດສິນຂອງວຽກງານຈັດຕັ້ງປະຕິບັດມະຕິ. ທ່ານ Dinh The Huynh ໄດ້ຮຽກຮ້ອງໃຫ້ພະນັກງານ, ສະມາຊິກພັກອົງການຄະນະໂຄສະນາສຶກສາສູນກາງ ຄວນມີຄວາມຮັບຮູ້ຢ່າງຄົບຖ້ວນ, ເລິກເຊິ່ງເຖິງຈຸດປະສົງ, ຄວາມໝາຍ, ຄວາມຮຽກຮ້ອງຕ້ອນການ ເນື້ອໃນຂອງມະຕິ, ກຳແໜ້ນແນວຄິດຊີ້ນຳ ແລະ ບັນດາວຽກງານທີ່ຕ້ອງເຮັດ. ບົນພື້ນຖານນັ້ນ, ມີຄວາມເປັນເອກະພາບນຳກັນສູງກ່ຽວກັບເຈດຈຳນົງ, ຄວາມຕັດສິນໃຈ, ຮັບຮູ້ໜ້າທີ່ຂອງຕົນເພື່ອເປັນແບບຢ່າງປະຕິບັດດ້ວຍຄວາມຕື່ນຕົວ. ພ້ອມກັນນັ້ນ, ປະຕິບັດໜ້າທີເປັນເສນາທິການໃຫ້ແກ່ກົມການເມືອງ, ຄະນະເລຂາ, ຄະນະປະບໍລິຫານງານສູນກາງໃນການຊີ້ນຳການຈັດຕັ້ງ ແລະ ປະຕິບັດ.
