ວັນທີ 03 ທັນວາ, ຄະນະກຳມະການເອີລົບ (ອີຊີ) ໄດ້ສະເໜີແຜນການອຸປະຖຳເງິນຈຳນວນ 105 ຕື້ USD ໃຫ້ແກ່ ຢູແກຼນ ໃນຮອບເວລາ 2 ປີຈະມາເຖິງ, ລວມມີຊັບສິນຂອງ ລັດເຊຍ ທີ່ຖືກອາຍັດ ແລະ ບ້ວງເງິນກູ້ຢືມສາກົນ. ອີຊີ ໃຫ້ບຸລິມະສິດແຜນການ “ບ້ວງເງິນກູ້ຢືມຊົດເຊີຍ” ອີງໃສ່ຊັບສິນແຫ່ງລັດຂອງ ລັດເຊຍ ທີ່ພວມຖືກອາຍັດຢູ່ ເອີລົບ ຍ້ອນການປະທະກັນຢູ່ ຢູແກຼນ.
ຕາມທ່ານນາງ Ursula von der Leyen, ປະທານ ອີຊີ ແລ້ວ ຂໍ້ສະເໜີດັ່ງກ່າວໄດ້ຄິດໄລ່ເຖິງເກືອບທັງໝົດຄວາມວິຕົກກັງວົນຂອງ ແບນຊິກ ທີ່ວ່າ ແຜນການນີ້ອາດຈະເກີດຄວາມສ່ຽງດ້ານນິຕິກຳ ແລະ ການເງິນ ຖ້າ ລັດເຊຍ ຍື່ນໃບຮ້ອງຟ້ອງຝ່າຍດຽວ. ແຜນການທີ່ຍັງເຫຼືອຈະແມ່ນບ້ວງເງິນກູ້ຢືມ ໂດຍອີງໃສ່ງົບປະມານຂອງ ອີຢູ ແລະ ຕ້ອງໄດ້ຮັບຄວາມເຫັນດີຂອງທັງໝົດ 27 ປະເທດ. ເຖິງຢ່າງໃດກໍ່ຕາມ, ແຜນການນີ້ຍາກທີ່ຈະປະຕິບັດໄດ້ ເມື່ອລັດຖະບານ ຮຸງກາຣີ ໄດ້ຄັດຄ້ານບັນດາບ້ວງເງິນໜູນຊ່ວຍຂອງ ເອີລົບ ທີ່ສະຫງວນໃຫ້ ຢູແກຼນ ເປັນຫຼາຍຄັ້ງ.
