( vovworld ) – ຕອນຄໍ່າວັນທີ 27/4, ຢູ່ຮ່າໂນ້ຍ, ອ່າວ Ha Long ໄດ້ຮັບນາມມະຍົດສິ່ງມະຫັດສະຈັນທຳມະຊາດໃໝ່ຂອງໂລກຢ່າງເປັນທາງການ. ກ່າວຄຳເຫັນທີ່ພິທີ, ທ່ານຮອງນາຍົກລັດຖະມົນຕີ Nguyen Thien Nhan ໄດ້ຢືນຢັນວ່າ, ຫວຽດນາມ ມີທິດທັດທຳມະຊາດ, ມໍລະດົກວັດທະນະທຳທີ່ ບໍ່ມີຮູບຮ່າງ ແລະ ມີຮູບຮ່າງຫຼາຍແຫ່ງເຊິ່ງໃນນັ້ນມີອ່າວ Ha Long. ທິວທັດທຳມະຊາດ ໄດ້ຮັບການຮູບຮູ້ 2 ຄັ້ງຈາກອົງການ UNESCO ແມ່ນມໍລະດົກທຳມະຊາດຂອງໂລກ ແລະປະຈຸບັນ, ອ່າວ Ha Long ສືບຕໍ່ໄດ້ຮັບນາມມະຍົດແມ່ນໜື່ງໃນສິ່ງມະຫັດສະຈັນ 7 ແຫ່ງໃໝ່ຂອງໂລກ. ທ່ານຮອງນາຍົກລັດຖະມົນຕີ Nguyen Thien Nhan ໄດ້ເວົ້າວ່າ.
“ ນີ້ແມ່ນຄວາມມ່ວນຊື່ນ, ຄວາມເອກອ້າງທະນົງໃຈທີ່ໃຫຍ່ຫຼວງຂອງພວກເຮົາ ກ່ຽວກັບມໍລະດົກທຳມະຊາດຂອງປະເທດຊາດ, ພ້ອມກັນນັ້ນກໍ່ຮຽກຮ້ອງໃຫ້ມີຄວາມຮັບຜິດຊອບສູງກວ່າຂອງປະຊາຊົນແຕ່ລະຄົນໃນການປົກປັກຮັກສາ ແລະ ເສີມຂະຫຍາຍຄຸນຄ່າອ່າວ Ha Long. ຂ້າພະເຈົ້າສະເໜີໃຫ້ຄະນະກຳມະການປະຊາຊົນແຂວງ Quang Ninh, ການນຳບັນດາແຂວງ, ນະຄອນໃນທົ່ວປະເທດ, ປະຊາຊົນໃນທົ່ວປະເທດ, ບັນດາອົງການ ແລະ ວິສາຫະກິດພ້ອມກັນຮ່ວມແຮງຮ່ວມໃຈອະນຸລັກຮັກສາເສີມຂະຫຍາຍຄຸນຄ່າຂອງອ່າວ Ha Long ພ້ອມກັບບັນດາມໍລະດົກໃນຂອບເຂດທົ່ວປະເທດ. ບັນດາທ້ອງຖິ່ນຄວນສຸມໃສ່ເຂົ້າການການວາງແຜນ ແລະ ອະນຸລັກຮັກສາ, ຄຸ້ມຄອງ, ປັບປຸງສິ່ງແວດລ້ອມບັນດາມໍລະດົກທຳມະຊາດ ແລະ ມໍລະດົກວັດທະນະທຳ, ທັງຮັບໃຊ້ໃຫ້ແກ່ການພັດທະນາເສດຖະກິດ, ການທ່ອງທ່ຽວ ທັງຮັກສາເສີມຂະຫຍາຍຄຸນຄ່າມໍລະດົກວັດທະນະທຳຫວຽດນາມໃຫ້ລຸ້ນຕໍ່ໆໄປອີກດ້ວຍ ”.
ວັນທີ 1/5 ທີ່ຈະມາເຖິງ, ແຂວງ Quang Ninh ຈະຈັດພິທີຕ້ອນຮັບນາມມະຍົດ ພ້ອມກັບເຫດການງານບຸນ Carnaval Ha Long 2012. ອ້າຍ Tran Manh Oanh,ຊາວນະຄອນ Ha Long ໄດ້ແບ່ງປັນວ່າ.
“ ໂດຍແມ່ນຜູ້ໜື່ງຢູ່ນະຄອນ Ha Long, ຂ້າພະເຈົ້າມີຄວາມເອກອ້າງຖະນົງໃຈເມື່ອໄດ້ດຳລົງຊີວິດຢູ່ທ້ອງຖິ່ນທີ່ມີສິ່ງມະຫັດສະຈັນທຳມະຊາດຂອງໂລກ. ຂ້າພະເຈົ້າໄດ້ໄປຫຼາຍແຫ່ງ ແຕ່ຍັງບໍ່ທັນເຫັນແຫ່ງໃດມີຄວາມຄືອ່າວ Ha Long. ຄວາມຈິງແລ້ວ, ອ່າວ Ha Long ສົມກັບການເຊີດຊູ ແລະ ກໍປາດຖະໜາວ່າ ປະຊາຊົນອ່າວ Ha Long ແຕ່ລະຄົນມີສະຕິປົກປັກຮັກສາສິ່ງແວດລ້ອມກໍ່ຄືທິວທັດທຳມະຊາດ ”.
