ອາເມລິກາ ຊ່ວຍຫວຽດນາມ ແກ້ໄຂຜົນຮ້ານຢ້ອນຫຼັງຈາກທາດພິດສີສົ້ມ/ດີໂອຊິນ
(vovworld) – ວັນທີ 8/5, ຢູ່ຮ່າໂນ້ຍ, ອາເມລິກາ ໄດ້ປະກາດແຜນອອກແບບສັງລວມລະບົບບຳບັດມົນລະພິດສິ່ງແວດລ້ອມ ເພື່ອລ້າງ ດີໂອຊິນ, ແກ້ໄຂຜົນຮ້າຍຢ້ອນຫຼັງຈາກທາດພິດສີສົ້ມ ຢູ່ເຂດສະໜາມບິນ ດ່າໜັງ. ຍອດວ່າ, ຍາດຈຳນວນເງິນໃຫ້ແກ່ໂຄງການນີ້ແມ່ນ 43 ລ້ານ USD. ທີ່ກອງປະຊຸມສຳມະນາກ່ຽວກັບແຜນອອກແບບເຕັກນິກເຕັກໂນໂລຢີບຳບັດທາດພິດສີສົ້ມ/ ດີໂອຊິນ ຢູ່ສະໜາມບິນ ດ່າໜັງ, ທ່ານ Donald Steinberg, ຮອງຜູ້ອຳນວຍການທົ່ວໂລກອົງການພັດທະນາສາກົນອາເມລິກາ (ຫຼື USAID), ໃຫ້ຮູ້ວ່າ: ວິທີເຕັກນິກ ລ້າງທາດພິດສີສົ້ມ/ ດີໂອຊິນແມ່ນເຕັກໂນໂລຢີທີ່ກ້າວໜ້າເຊິ່ງໄດ້ນຳໃຊ້ຢູ່ ອາເມລິກາ, ເອີລົບ ແລະ ອາຊີ ເພື່ອຮັບປະກັນສິ່ງແວດລ້ອມໃຫ້ແກ່ປະຊາຊົນນັບລ້ານຄົນ ແລະ ລຸ້ນຕໍ່ໆໄປ. ຄາດວ່າ, ກາງປີນີ້ລັດຖະບານ ອາເມລິກາ ແລະ ຫວຽດນາມ ຈະຈັດພິທີເລີ່ມລົງມືບຳບັດມົນລະພິດສິ່ງແວດລ້ອມຢູ່ສະໜາມບິນ ດ່າໜັງ. USAID ໃຫ້ຮູ້ວ່າ: ຈະສືບຕໍ່ໜູນຊ່ວຍຫວຽດນາມ ໃນການບຳບັດມົນລະພິດສິ່ງແວດລ້ອມຢູ່ສະໜາມບິນ ບຽນຮ່ວາ ແລະ ສະໜາມບິນ ຟູ່ກາດ.
