ອາເມລິກາ, ຢູແກຼນ ຈະທາບທາມຄວາມເຫັນຢູ່ ສະວິດ ກ່ຽວກັບມາດຕະການຢຸຕິການປະທະກັນ

ທ່ານ Rustem Umerov ເລຂາສະພາຄວາມໝັ້ນຄົງ ແລະ ປ້ອງກັນຊາດແຫ່ງຊາດ ຢູແກຼນ (ພາບ: REUTERS/Sofiia Gatilova)

ວັນທີ 22 ພະຈິກ, ທ່ານ Rustem Umerov ເລຂາສະພາຄວາມໝັ້ນຄົງ ແລະ ປ້ອງກັນຊາດແຫ່ງຊາດ ຢູແກຼນ ໃຫ້ຮູ້ວ່າ, ຢູແກຼນ ແລະ ອາເມລິກາ ຈະດຳເນີນການທາບທາມຄວາມເຫັນຢູ່ ສະວິດ ເພື່ອປຶກສາຫາລືບັນດາບາດກ້າວຢຸດຕິການປະທະກັນຢູ ຢູແກຼນ. ຄາດວ່າ, ການພົບປະຈະຈັດຂຶ້ນໃນວັນທີ 23 ພະຈິກ, ໂດຍມີການເຂົ້າຮ່ວມຂອງທີ່ປຶກສາຄວາມໝັ້ນຄົງແຫ່ງຊາດຂອງ 3 ປະເທດ ເອີລົບ ນັ້ນແມ່ນ ຝລັ່ງ, ອັງກິດ ແລະ ເຢຍລະມັນ.

ໃນສື່ສັງຄົມ Telegram, ທ່ານ Umerov ໃຫ້ຮູ້ວ່າ, ບັນດາການທາບທາມຄວາມເຫັນລະຫວ່າງເຈົ້າໜ້າທີ່ຂັ້ນສູງຂອງ 2 ປະເທດຈະສຸມໃສ່ບັນດາແຜນທິດທາງທີ່ອາດເປັນໄປຂອງຂໍ້ຕົກລົງສັນຕິພາບໃນອະນາຄົດ. ທ່ານສະແດງການຕີລາຄາສູງຕໍ່ການເຂົ້າຮ່ວມ ແລະ ເຈດຕະນາດີຂອງຝ່າຍ ອາເມລິກາ ໃນບັນດາການແລກປ່ຽນທີ່ມີລັກສະນະສ້າງສັນ.

ໃນສານທີ່ປະກາດຕອນຄ່ຳວັນທີ 22 ພະຈິກ (ຕາມເວລາທ້ອງຖິ່ນ), ທ່ານ Zelenskiy ປະທານາທິບໍດີ ຢູແກຼນ ເນັ້ນໜັກວ່າ ສັນຕິພາບຢ່າງແທດຈິງຍາມໃດກໍ່ອີງໃສ່ຄວາມໝັ້ນຄົງ ແລະ ຄວາມຍຸຕິທຳໄດ້ຮັບການຮັບປະກັນ. ແຈ້ງການຂອງຫ້ອງວ່າການປະທານາທິບໍດີ ຢູແກຼນ ຊີ້ແຈ້ງວ່າ ປະເທດນີ້ຈະບໍ່ແມ່ນສິ່ງກີດຂວາງສຳລັບສັນຕິພາບ, ພ້ອມກັນນັ້ນເນັ້ນໜັກວ່າ ຢູແກຼນ ຈະປົກປ້ອງຜົນປະໂຫຍດອັນຊອບທຳຂອງປະຊາຊົນປະເທດນີ້ ແລະ ພື້ນຖານຄວາມໝັ້ນຄົງຂອງ ເອີລົບ.