ອາເມລິກາ ອາດຈະອະນຸຍາດໃຫ້ ອີຣານ ເສີມທາດ urani
(vovworld) - ຕາມໜັງສືພິມ The Los Angeles Times ເມືອວັນທີ 27/4 ແລ້ວ, ອາເມລິກາ ອາດຈະອະນຸຍາດໃຫ້ ອິເຮຣານ ເສີມທາດ urani ແທນທີບັນດາມາດຕະການເຄັ່ງຄັດ ເພື່ອແນໃສ່ຄວບຄຸມຄວາມສາມາດຜະລິດລະເບີດນິວເຄຼຍຂອງ ເຕເຮຣານ. ໜັງສືພິມສະບັບດັ່ງກ່າວໄດ້ຄັດຄຳເວົ້າຂອງບັນດາເຈົ້າໜ້າທີ່ລັດຖະບານ ອາເມລິກາ ໃຫ້ຮູ້ວ່າ: ວໍຊິງຕັນ ອາດຈະອະນຸຍາດໃຫ້ ເຕເຮຣານ ເສີມທາດ urani ຢູ່ໃນລະດັບ 5% ຖ້າຫາກປະເທດ ສະທາລະນະລັດ ອິດສະລາມນີ້ ຮັບຮູ້ການກວດກາໂດຍບໍ່ຈຳກັດບັນດາຮາກຖານນິວເຄຼຍຂອງເຂົາເຈົ້າ ພ້ອມກັບເງື່ອນໄຂອື່ນໆອີກ. ນອກຈາກນັ້ນ, ເຕເຮຣານ ກໍຈະຖືກຮຽກຮ້ອງຮັບຮູ້ບັນດາມາດຕະການຕິດຕາມກວດກາ ແລະ ຮັບປະກັນຄວາມປອດໄພທີ່ເຄັ່ງຄັດ ເຊິ່ງສະຫະປະຊາຊາດໄດ້ຍົກອອກມາກ່ອນໜ້ານັ້ນ. ເລື່ອງຕົກລົງໃຫ້ ອີຣານ ເສີມທາດ urani ຢູ່ບໍ່ວ່າລະດັບໃດໆ ກໍ່ແມ່ນເລື່ອງກໍ່ໃຫ້ເກີດການໂຕ້ຖຽງກັນໃນຄະນະລັດຖະບານ ອາເມລິກາ ກໍຄືບັນດາປະເທດພັນທະມິດຂອງປະເທດນີ້. ເຖິງຢ່າງໃດກໍຕາມ, ໃນໄລຍະນີ້, ເກືອບຄືວ່າພວມມີທ່າອ່ຽງຖືວ່າ: ອີຣານ ຈະບໍ່ຮັບຮູ້ເລື່ອງຢຸດຕິການເສີມທາດ urani ຢ່າງສິ້ນເຊິ່ງ ແລະ ເລື່ອງສືບຕໍ່ຮຽກຮ້ອງ ເຕເຮຣານ ຢຸດຕິການເສີມທາດ urani ອາດຈະສະກັດກັ້ນຝ່າຍຕ່າງໆ ບັນລຸໄດ້ຂໍ້ຕົກລົງຜ່ານການເຈລະຈາ.
