( vovworld ) – ວັນທີ 8/4, ອາເມລິກາ ແລະ ອາບການິດສຖານ ໄດ້ລົງນາມໃນຂໍ້ຕົກລົງກ່ຽວກັບການດຳເນີນບັນດາບັ້ນຮົບບຸກໂຈມຕີໃນຍາມກາງຄືນຂອງກຳລັງທະຫານພິເສດສາກົນຢູ່ປະເທດອາຊີໃຕ້ນີ້. ຕາມຂໍ້ຕົກລົງແລ້ວ, ນັບແຕ່ນີ້ເປັນຕົນໄປການບຸກໂຈມຕີໃນຍາມກາງຄືນຕ່າງໆຢູ່ອາບການິດສຖານ ໂດຍອາບການິດສຖານ ບັນຊາ, ໃນຂະນະທີ່ບັນດາກຳລັງສາກົນໂດຍອາເມລິກາ ນຳໜ້າຈະສວມບົດບາດເປັນຜູ້ໜູນຊ່ວຍໃນຂົງເຂດຈຳນວນໜື່ງ. ໂຄສົກສຳນັກງານປະທານາທິບໍດີອາບການິດສຖານ ໃຫ້ຮູ້ວ່າ, ຂໍ້ຕົກລົງນີ້ຈະມີຜົນສັກສິດໃນທັນທີ່ ແລະ ຕາມຂໍ້ຕົກລົງນີ້, ຄະນະກຳມະການປະສົມໜື່ງເຊິ່ງລວມມີກຳລັງທະຫານພິເສດອາບການິດສຖານ, ອາເມລິກາ ແລະ NATO ຈະໄດ້ຮັບການສ້າງຕັ້ງຂຶ້ນ, ມີໜ້າທີ່ຍົກອອກຂໍ້ຕົກລົງເມື່ອຕ້ອງການປະຕິບັດການບຸກໂຈມຕີໃນຍາມກາງຄືນ, ແຕ່ການຕັດສິນສຸດທ້າຍແມ່ນຂຶ້ນກັບອາບການິດສຖານ.
