(vovworld)- ຍາມຕົ້ນລະດູບານໃຫມ່ ນັກທ່ອງທ່ຽວເຄີຍໄປຖະຫວາຍທູບທຽນຢູ່ ອຽນຕື ຊື່ງແມ່ນແຫ່ງໄດ້ຮັບການຂະຫນານນາມວ່າ “ດິນແດນຂອງພຸດທະສາສະຫນາ ຫວຽດນາມ” ແມ່ນການເລືອກເຟັ້ນຂອງນັກທ່ອງທ່ຽວຫລາຍຄົນ. ມີຫລາຍຄົນໄດ້ເລືອກເຟັ້ນວິທີຂຶ້ນພູ ອຽນຕື໋ ມາແຕ່ເຊົ້າ, ເພື່ອຮັບແສງອາລຸນວັນໃຫມ່ຢູ່ເຂດດິນແດນຂອງພະພຸດທະເຈົ້າ - ວັດດົງ.
ອຽນຕື ແມ່ນຈອມພູມີຄວາມສູງ 1068 ແມັດ ເມື່ອທຽບໃສ່ຫນ້ານ້ຳທະເລ, ຂຶ້ນກັບ ພາກຕາເວັນອອກສ່ຽງເຫນືອ ຫວຽດນາມ. ພູ ອຽນຕື໋ ປະຈຸບັນ ຍັງຄົງຮັກສາລະບົບບັນດາປູຊະນີຍະສະຖານປະຫວັດສາດວັດທະນະທຳ ຕິດພັນກັບການສ້າງຕັ້ງ ແລະ ພັດທະນາຂອງນິກາຍຈຸກເລີມອຽນຕື໋.
ເຈົ້າຊີວິດ ເຈີນເຍີນຕົງ ພາຍຫລັງສະຫລະບັນລັງໃຫ້ລູກຂອງຕົນ ຕັດສິນໃຈອອກຈາກພະລາດຊະວັງເພື່ອໄປບວດຢູ່ ພູອຽນຕື໋. ເຈົ້າຊີວິດ ເຈີນເຍີນຕົງ (1258-1308) ແມ່ນຜູ້ສ້າງຕັ້ງນິກາຍຈຸກເລີມອຽນຕື໋. ເພິ່ນໄດ້ໃຫ້ກໍ່ສ້າງກິດຈະກຳໃຫຍ່ນ້ອຍນັບຮ້ອຍແຫ່ງຢູ່ ພູອຽນຕື໋ ເພື່ອເປັນບ່ອນເຜີຍແຜ່ສາສະຫນາ.
ປະຈຸບັນ, ອຽນຕື໋ ກາຍເປັນເຂດທ່ອງທ່ຽວວັດທະນະທຳດ້ານຈິດວິນຍານ, ຊີວະພາບ, ທັດສະນີຍະພາບ, ດຶງດູດນັກທ່ອງທ່ຽວຢູ່ພາຍໃນ ແລະ ຕ່າງປະເທດ ມາຢ້ຽມຢາມເປັນຈຳນວນຫລວງຫລາຍໃນຕະຫລອດປີ.
ໄຟເຍືອງທາງຂຶ້ນພູ, ສະຖານີກະເຊົ້າລອຍຟ້າ ໄດ້ເປີດມາແຕ່ເຊົ້າ. ໃນຈຸດເວລານີ້, ກະເຊົ້າລອຍຟ້າ ແມ່ນການເລືອກເຟັ້ນຂອງນັກທ່ອງທ່ຽວຫລາຍຄົນຍ້ອນປະຢັດເວລາ ແລະ ມີຄວາມປອດໄພກວ່າ.
|
 ເຖິງຢ່າງໃດກໍຕາມ ເພື່ອຂຶ້ນຈອມພູ ອຽນຕື໋, ນັກທ່ອງທ່ຽວຕ້ອງຍ່າງໃນໄລຍະທາງຫນຶ່ງ ພາຍຫລັງລົງຈາກກະເຊົ້າລອຍຟ້າ.
|
 ແຜ່ນສາລາ “ຈອມພູສັກກະລະບູຊາ ອຽນຕື໋”
|
 ຮູບປັ້ນເຈົ້າຊີວິດ ຮ່ວາງເຍີນຕົງ ໃຫຍ່ສຸດຢູ່ຫວຽດນາມ ຕັ້ງຢູ່ເທິງຈອມພູ ອຽນຕື໋. ຮູບປັ້ນນີ້ຖືກຫລອມດ້ວຍທອງ, ມີຄວາມສູງ 15 ແມັດ, ນ້ຳຫນັກ 138 ໂຕນ, ຕັ້ງຢູ່ເທິງຈອມພູ ອານກີຊີງ (ອຽນຕື໋) ມີຄວາມສູງ 900 ແມັດ ເມື່ອທຽບໃສ່ຫນ້ານ້ຳທະເລ.
|
 ຢູ່ລຽບຕາມເສັ້ນທາງມີປ້າຍແນະນຳທາງຫລາຍແຜ່ນ
|
ພາຍຫລັງຂຶ້ນພູໃນເວລາເຄິ່ງຊົ່ວໂມງ, ນັກທ່ອງທ່ຽວໄດ້ໄປຮອດ ທຽນຈຸກຕື້ ຫລື ເອີ້ນວ່າ ວັດດົງ(ທອງ). ວັດແຫ່ງນີ້ຕັ້ງຢູ່ຈຸດສູງສຸດຂອງພູ ອຽນຕື໋ ດ້ວຍຄວາມສູງ 1.068 ແມັດ ເມື່ອທຽບໃສ່ຫນ້ານ້ຳທະເລ. ເບື້ອງຫລັງຂອງວັດແມ່ນເຫວເລິກ.
|
 ວັດດົງ - ອຽນຕື໋ໄດ້ຮັບການກໍ່ສ້າງໃນສະໄຫມລາດຊະວົງເລ. ຮອດປີ 2007 ວັດໄດ້ກໍ່ສ້າງໃຫມ່ແທນໃຫ້ວັດເກົ່າ
|
 ຢູ່ໃນວັດປະກອບມີ ພະພຸດທະຮູບ ທິກກາ 1 ຮູບ ແລະ ພະພຸດທະຮູບ ຕາມໂຕຈຸກເລີມ 3ຮູບ. ຮູບປັ້ນມີຄວາມສູງ 0,45 -0, 87 ແມັດ.
|
 ກິດຈະກຳທັງໝົດນີ້ ລວມມີວັດ, ພະພຸດທະຮູບ, ລະຄັງມີນ້ຳຫນັກກວ່າ 70 ໂຕນ, ຫລໍ່ດ້ວຍທອງ.
|
 ແຕ່ດົນນານມາແລ້ວ, ວັດດົງ ບໍ່ພຽງແຕ່ມີຄວາມໝາຍກ່ຽວກັບສະຖາປັດຕະຍະກຳເທົ່ານັ້ນ ຫາກໃນການເຫລື້ອມໃສ ແມ່ນມີຄວາມໝາຍດ້ານຈິດວິນຍານພິເສດອີກດ້ວຍ. ສະນັ້ນ ແຕ່ລະປີ ໃນຍາມຕົ້ນລະດູບານໃຫມ່ ມີນັກທ່ອງທ່ຽວ, ພະສົງສຳມະເນນນັບໝື່ນໆຄົນໄດ້ພາກັນມານີ້ເພື່ອຖະຫວາຍທູບທຽນ.
|
 ຮຸ່ງເຊົ້າສັງເກດຈາກ ຈອມພູ ອຽນຕື໋
|
 ບັນດາທັດສະນີຍະພາບ ແລະ ປະຫວັດສາດແຫ່ງການສ້າງຕັ້ງ ໄດ້ຮັບການແກະຄວັດສະຫລັກເພື່ອຮັບໃຊ້ນັກທ່ອງທ່ຽວຢູ່ພາຍໃນ ແລະ ຕ່າງປະເທດ
|
 ຫລັງຄາວັດ ຮວາອຽນ. ວັດຮວາອຽນ ແມ່ນວັດໃຫຍ່ ແລະສວຍງາມທີ່ສຸດໃນເຂດປູຊະນີຍະສະຖານທັດສະນີຍະພາບ ອຽນຕື໋.
|
 ບັນດາຫລັງຄາວັດທີ່ເກົ່າແກ່ແມ່ນບ່ອນຮັບແສງແດດທຳອິດ
|
 ນອກນັ້ນ ຍັງມີບັນດາສະຖານທີ່ຄື: ວັດ ຢ໋າຍອວານ, ວັດຫລັງຄາດຽວ, ວັດ ບາວຊາຍ, …ກໍແມ່ນບັນດາສະຖານທີ່ໄປທັດສະນີຍະພາບ ຊື່ງນັກທ່ອງທ່ຽວຫລາຍຄົນມັກໄປຢ້ຽມຊົມເມື່ອມາຢ້ຽມຢາມ ອຽນຕື໋.
|
 ນອກຈາກບັນດາປູຊະນີຍະສະຖານສາສະຫນາພຸດ, ອຽນຕື໋ ແມ່ນແຫ່ງທີ່ນັກທ່ອງທ່ຽວມັກທີ່ສຸດ ຍ້ອນທິວທັດທຳມະຊາດສວຍງາມ ແລະ ຮົກເຮື້ອເປົ່າຫວ່າງ.ອຽນຕື໋ ໄດ້ຮັບການອະນຸມັດຈາກນາຍົກລັດຖະມົນຕີ ກາຍເປັນປ່າສະຫງວນແຫ່ງຊາດ ດ້ວຍຕົ້ນໄມ້ນັບຮ້ອຍໆປະເພດແມ່ນມໍລະດົກ.
ປ້າຍ: “ປ່າສະຫງວນແຫ່ງຊາດ ອຽນຕື໋- ຕົ້ນໄມ້ມໍລະດົກຫວຽດນາມ: ຕົ້ນດອກຈຳປາສີຂາວ”
|
 ຕົ້ນແປກໃນທ່າມກາງແສງແດ
|
 ທິວທັດທຳມະຊາດສວຍງາມຄືດັ່ງຮູບແຕ້ມ
|
 ພາຍຫລັງໄປຢ້ຽມຊົມໃນເວລາມື້ຫນຶ່ງ,ນັກທ່ອງທ່ຽວກັບເມືອໃນຍາມແລງ ຖ້າຫາກນຳໃຊ້ກະເຊົ້າລອຍຟ້າເພື່ອໄປທ່ອງທ່ຽວ ອຽນຕື໋, ສະຖານີກະເຊົ້າລອຍຟ້າພຽງຮັບໃຊ້ນັກທ່ອງທ່ຽວຮອດ ເວລາ 18 ໂມງ.
ໃນລະຫວ່າງເສັ້ນທາງກັບຄືນເມືອ ຈາກກະເຊົ້າລອຍຟ້າຫລຽວລົງໄປ, ທົ່ວເຂດທັດສະນີຍະພາບ ອຽນຕື໋ ຊ້ອນຕົວໃນສີຂຽວຂອງພູຜາປ່າໄມ້.
|
