ສູນຄົ້ນຄວ້າຫວຽດນາມ ແລະ ອາຊຽນສະຖາບັນຕາເວັນອອກໄກ ສັງກັດສະພາມະຫາບັນດິດວິທະຍາສາດລັດເຊຍ ໄດ້ຈັດຕັ້ງການສຳມະນາ “ ບັນດາບັນຫາຮີບດ່ວນຂອງຂະແໜງຫວຽດນາມ ວິທະຍາ ”
( vovworld ) - ວັນທີ 17/5, ສູນຄົ້ນຄວ້າຫວຽດນາມ ແລະ ອາຊຽນສະຖາບັນຕາເວັນອອກໄກ ສັງກັດສະພາມະຫາບັນດິດວິທະຍາສາດລັດເຊຍ ໄດ້ຈັດຕັ້ງການສຳມະນາ “ ບັນດາບັນຫາຮີບດ່ວນຂອງຂະແໜງຫວຽດນາມ ວິທະຍາ ” ກັບບັນດາບັນຫາທີ່ກ່ຽວຂ້ອງເຖິງການພົວພັນລະຫວ່າງລັດເຊຍ ແລະ ຫວຽດນາມ. ຕີລາຄາກ່ຽວກັບຄວາມໝາຍຂອງການສຳມະນາ, ຜູ້ຮັກສາການອຳນວຍການສະຖາບັນຕາເວັນອອກໄກສາດສະດາຈານ, ປະລິຍາເອກຂະແໜງປະຫວັດສາດວິທະຍາ Luziahin ໃຫ້ຮູ້ວ່າ.
“ ການສຳມະນາໄດ້ຈັດຂຶ້ນປະຈຳປີ ກົງກັບໂອກາດສະເຫຼີມສະຫຼອງວັນຄ້າຍວັນເກີດປະທານໂຮ່ຈິມິນ ແມ່ນການເຄື່ອນໄຫວທີ່ໄດ້ຮັບຄວາມໝາຍສຳຄັນທີ່ສຸດ. ແຕ່ລະປີ, ການສຳມະນາໄດ້ສະສົມ ແລະ ຮັບເອົາບັນດາສິ່ງທີ່ມີຄວາມສົນໃຈ. ຮູບແບບປະຕິຮູບຂອງຫວຽດນາມ ປະຈຸບັນພວມດຶງດູດຄວາມສົນໃຈຈາກບັນດານັກວິທະຍາສາດລັດເຊຍ ແລະ ໂລກ. ຂ້າພະເຈົ້າຄິດວ່າ, ນອກຈາກການໄຈ້ແຍກວິທະຍາສາດແລ້ວ ການສຳມະນາຂອງພວກເຮົາຈະມີບັນດາຂໍ້ສະເໜີອັນຈຳເປັນຕໍ່ບັນດາອົງການທີ່ມີໜ້າທີ່ ເພື່ອມີນະໂຍບາຍຕ່າງໆ ແນໃສ່ປັບປຸງ ແລະ ພັດທະນາການພົວພັນຄູ່ຮ່ວມມືລະຫວ່າງລັດເຊຍ - ຫວຽດນາມກວ່າອີກ.”
