ຮອງນາຍົກລັດຖະມົນຕີ Hoang Trung Hai ອອກຄຳສັ່ງປ້ານແມ່ນ້ຳດ່າກໍ່ສ້າງເຂື່ອນໄຟຟ້າລາຍເຈົ້າ.
(vovworld) – ຕອນເຊົ້າວັນທີ 24/4, ຢູ່ຕາແສງນ້ຳຮ່າງ, ເມືອງເມື່ອງແຕ່, ແຂວງລາຍເຈົາ, ໄດ້ຈັດພິທີປ້ານແມ່ນ້ຳດ່າ ໄລຍະ 1 ຂອງກິດຈະກຳກໍ່ສ້າງເຂື່ອນໄຟຟ້າລາຍເຈົາ. ພາຍຫຼັງຮັບຟັງບົດລາຍງານຂອງບັນດາເຈົ້າຂອງລົງທຶນ, ນັກປະມູນກ່ຽວກັບຄວາມຄືບໜ້າຂອງກິດຈະກຳ ກໍ່ຄືບົດລາຍງານຂອງແຂວງລາຍເຈົາ ກ່ຽວກັບການຍົກຍ້າຍປະຊາຊົນໄປຕັ້ງຖີ່ນຖານຄົງທີ່, ທ່ານຮອງນາຍົກລັດຖະມົນຕີ Hoang Trung Hai ໄດ້ຮຽກຮ້ອງໃຫ້ບັນດາຫົວໜ່ວຍປະຕິບັດການກໍ່ສ້າງສືບຕໍ່ເສີມຂະຫຍາຍບົດຮຽນຈາກການກໍ່ສ້າງກິດຈະກຳເຂື່ອນໄຟຟ້າເຊີນລາ ເພື່ອປະຕິບັດສຳເລັດຈຸດໝາຍຕ້ານນ້ຳແກ່ງນ້ຳຖ້ວມໃນປີ 2012, ແລະ ເພື່ອໃຫ້ກິດຈະກຳສາສາດສະໜອງໄຟຟ້າໄດ້ໃນປີ 2016.
”ຂ້າພະຈົ້າຮຽກຮ້ອງໃຫ້ບັນດາສະຫາຍການນຳກະຊວງ, ຂະແໜງການ, ທ້ອງຖີ່ນ, ເຈົ້າຂອງລົງທຶນ, ນັກປະມູນສູມໃສ່ປະຕິບັດບັນດາໜ້າທີ່ດັ່ງຕໍ່ໄປນີ້, ທີໜຶ່ງແມ່ນຮັບປະກັນຕ້ານນ້ຳແກ່ງໃນປີ 2012 ຢ່າງປອດໄພ. ທີສອງແມ່ນບັນດາກະຊວງ, ຂະແໜງການ, ຄະນະກຳມະການປະຊາຊົນແຂວງລາຍເຈົາ ຕ້ອງສືບຕໍ່ເອົາໃຈໃສ່ ແລະ ເບິ່ງແຍງເຖິງຊີວິດການເປັນຢູ່ຂອງປະຊາຊົນ, ໂດຍສະເພາະແມ່ນປະຊາຊົນທີ່ຕ້ອງຍົກຍ້າຍໄປຕັ້ງຖີ່ນຖານຄົງທີ່. ທີສາມແມ່ນ ບັນດາຫົວໜ່ວຍປະຕິບັດການກໍ່ສ້າງຕ້ອງຮັບປະກັນຄວາມຄືບໜ້າ, ຄຸນນະພາບກໍ່ສ້າງບັນດາກິດຈະກຳຍ່ອຍ”.
