(vovworld) - ວັນທີ 5/4, ຄະນະປະຕິບັດງານລັດຖະບານ ໂດຍທ່ານຮອງນາຍົກລັດຖະມົນຕີ Nguyen Thien Nhan ນຳໜ້າໄດ້ເຮັດວຽກຢູ່ 2 ເມືອງ ຮ່າກວາງ ແລະ ທົ່ງນົງ ແຂວງກາວບັ່ງ ກ່ຽວກັບວຽກງານຜັນຂະຫຍາຍໂຄງການນຳປັນຍາຊົນໜຸ່ມ 600 ຄົນ ໄປເຮັດໜ້າທີ່ເປັນຮອງປະທານຕາແສງ ຢູ່ 62 ເມືອງປະສົບກັບຄວາມຫຍູ້ງຍາກ. ຕາມການຕີລາຄາລວມແລ້ວ, ພາຍຫຼັງ 1 ເດືອນທີ່ໄດ້ຮັບໜ້າທີ່, ບັນດາປັນຍາຊົນໜຸ່ມລ້ວນແຕ່ສະແດງໃຫ້ເຫັນຄວາມຂະຫຍັນຂັນເຄື່ອນ, ສຸດຈິດສຸດໃຈ, ມີຄວາມຮັບຜິດຊອບກັບວຽກງານ ກຳໄດ້ແນວຄິດຈິດໃຈ, ຄວາມມຸ້ງມາດປາຖະໜາຂອງປະຊາຊົນ ຈາກນັ້ນຈະມີບັນດາຂໍ້ສະເໜີທີ່ເໝາະສົມກັບເງື່ອນໄຂ ພັດທະນາເສດຖະກິດ - ສັງຄົມຢູ່ທ້ອງຖີ່ນ. ທ່ານຮອງນາຍົກລັດຖະມົນຕີ Nguyen Thien Nhan ສະເໜີໃຫ້ບັນດາປັນຍາຊົນໜຸ່ມຄວນຮ່ຳຮຽນເອົາບົດຮຽນ, ມີຄວາມໃກ້ສິດ ແລະ ຮັບຟັງຄຳເຫັນຂອງປະຊາຊົນຫຼາຍກ່ວາ, ເພື່ອເປັນເສນາທິການໃຫ້ຄະນະພັກ ແລະ ອຳນາດການປົກຄອງທ້ອງຖີ່ນ, ບັນດານະໂຍບາຍໃນການພັດທະນາເສດຖະກິດສັງຄົມ ທີ່ເໝາະສົມກັບສະພາບຕົວຈິງ. ທ່ານຮອງນາຍົກລັດຖະມົນຕີ Nguyen Thien Nhan ຊີ້ແຈ້ງວ່າ:
“ທົ່ວປະເທດມີທັງໝົດ 11.000 ກ່ວາຕາແສງ, ແຕ່ໃນຄັ້ງນີ້ພຽງແຕ່ລະດົມປັນຍາຊົນໜຸ່ມໄປຮັບໜ້າທີ່ເປັນຮອງປະທານຂອງ 600 ຕາແສງທີ່ທຸກຍາກເທົ່ານັ້ນ, ດັ່ງນັ້ນ, ໄລຍະປະຕິບັດທົດລອງມີຄວາມສຳຄັນທີ່ສຸຸດ ເພາະວ່າ: ນີ້ແມ່ນວຽກງານທີ່ຍັງບໍ່ທັນເຮັດຈັກເທື່ອ ແລະ ຖ້າຫາກປະຕິບັດໄດ້ດີ ນີ້ຈະແມ່ນໂອກາດ ເພື່ອໃຫ້ພວກເຮົາມີເງື່ອນໄຂຍົກສູງຄຸນນະພາບຖັນແຖວພະນັກງານຕາແສງ ໃນອາຍຸການນີ້, ແລະ ນີ້ກໍ່ແມ່ນຄວາມຮັບຜິດຊອບຂອງທັງລະບົບການເມືອງ”
