( vovworld ) – ໂດຍໄດ້ສືບຕໍ່ການໄປຢ້ຽມຢາມທ້ອງຖິ່ນຕ່າງໆຂອງຫວຽດນາມ, ວັນທີ 9/4, ທ່ານຮອງນາຍົກລັດຖະມົນຕີລາວ ສົມສະຫວາດ ເລັ່ງສະຫວັດ ໄດ້ໄປຢ້ຽມຢາມຮາກຖນານເສດຖະກິດຈຳນວນ 1 ຢູ່ແຂວງ Nghe An ຊື່ງລວມມີ: ໂຄງການນິຄົມກະເສດລ້ຽງງົວນົມຂອງກຸ່ມບໍລິສັດ TH Truemilk, ເຂດປູກຕົ້ນໄມ້ວັດຖຸດິບ, ໄປຢ້ຽມຢາມທະນາຄານລົງທຶນ ແລະ ພັດທະນາຫວຽດນາມ BIDV ສາຂາ Phu Quy. ການຢ້ຽມຢາມຂອງຄະນະ ແມ່ນ ໜຶ່ງໃນບັນດາການເຄື່ອນໄຫວຂຳ່ນັບຮັບຕ້ອນປີແຫ່ງຄວາມສາມັກຄີມິດຕະພາບຫວຽດນາມ-ລາວ; ປະກອບສ່ວນຮັດແໜ້ນສາຍພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງປະເທດຫວຽດນາມ-ລາວ ເວົ້າລວມ ກໍຄືລະຫວ່າງບັນດາທ້ອງຖິ່ນຂອງສອງປະເທດເວົ້າສະເພາະ. ວັນທີ 10/4, ທ່ານຮອງນາຍົກລັດຖະມົນຕີລາວ ສົມສະຫວາດ ເລັ່ງສະຫວັດ ໄດ້ອອກຈາກແຂວງ Nghe An ເດີນທາງກັບເມືອປະເທດ ສີ້ນສຸດການຢ້ຽມຢາມ ແລະ ເຮັດວຽກຢູ່ບາງແຂວງຂອງຫວຽດນາມ ຕາມຄຳເຊີນຂອງທ່ານຮອງນາຍົກລັດຖະມົນຕີ Nguyen Xuan Phuc.
