ຮອງນາຍົກໆ Vu Van Ninh ກວດກາວຽກງານກະກຽມຈັດງານຕະຫຼາດນັດເຂດທົ່ງພຽງແມ່ນ້ຳຂອງ.
(vovworld)- ຕອນບ່າຍວັນທີ 4/4 ຢູ່ນະຄອນເກີ່ນເທີ, ທ່ານຮອງນາຍົກໆ Vu Van Ninh ພ້ອມກັບຜູ້ຕ່າງໜ້າບັນດາກະຊວງ, ຂະແໜງການສູນກາງໄດ້ໄປກວດກາວຽກງານກະກຽມຈັດງານຕະຫຼາດນັດ - ວາງສະແດງຜົນງານ 10 ປີ ແຫ່ງການກໍ່ສ້າງ ແລະ ພັດທະນາເຂດທົ່ງພຽງແມ່ນ້ຳຂອງ, ຕິດພັນກັບການຈັດຕັ້ງສະເຫຼີມສະຫຼອງ 37 ປີ ແຫ່ງວັນປົດປ່ອຍພາກໃຕ້, ທ້ອນໂຮມປະເທດຊາດເປັນເອກະພາບ. ມາຮອດປະຈຸບັນ, ໄດ້ມີ 300 ຫົວໜ່ວຍຈົດຊື່ເຂົ້າຮ່ວມ, ດ້ວຍຮ້ານວາງສະແດງ 900 ຮ້ານ. ແລະ ກໍ່ໃນຂອບເຂດງານຕະຫຼາດນັດ, ວາງສະແດງ ຍັງມີກອງປະຊຸມສຳມະນາ, ກອງປະຊຸມກ່ຽວກັບການສົ່ງເສີມການລົງທຶນພັດທະນາເຂດທົ່ງພຽງແມ່ນ້ຳຂອງ, … ກ່າວຄວາມເຫັນທີ່ການເຮັດວຽກ, ທ່ານຮອງນາຍົກໆ Vu Van Ninh ໄດ້ຊີ້ແຈ້ງເຖິງຄວາມສຳຄັນຂອງງານຕະຫຼາດນັດໃນຄັ້ງນີ້ ເພື່ອແນໃສ່ສະຫຼຸບຜົນງານດ້ານເສດຖະກິດສັງຄົມ, ເຊິ່ງອົງຄະນະພັກ ແລະ ປະຊາຊົນເຂດທົ່ງພຽງແມ່ນ້ຳຂອງບັນລຸໄດ້ໃນ 10 ປີຜ່ານມາ:
”ເປັນຄັ້ງທຳອິດທີ່ງານຕະຫຼາດນັດ, ວາງສະແດງ ແນະນຳ, ໂຄສະນາພາບພົດຂອງເຂດທົ່ງພຽງແມ່ນ້ຳຂອງ, ພ້ອມທັງແນະນຳຄວາມສາມາດບົ່ມຊ້ອນຂອງພວກເຮົາ ເພື່ອສົ່ງເສີມການລົງທຶນ ລະດົມແຫຼ່ງກຳລັງໃຫ້ແກ່ການພັດທະນາເສດຖະກິດຂອງເຂດໃນໄລຍະຈະມາເຖິງ”
