ຮ່າໂນ້ຍ ມອບນາມມະຍົດຮາກຖານ, ກິດຈະກຳນຳໃຊ້ພະລັງງານສີຂຽວ

(ຜະລິດຕະພັນປະຢັດໄຟຟ້າ)

        ຕອນຄ່ຳວັນທີ 10 ທັນວາ, ຢູ່ ຮ່າໂນ້ຍ, ຄະນະກຳມະການປະຊາຊົນນະຄອນ ຮ່າໂນ້ຍ ໄດ້ຈັດພິທີມອບນາມມະຍົດຮາກຖານ, ກິດຈະກຳນຳໃຊ້ພະລັງງານສີຂຽວນະຄອນ ຮ່າໂນ້ຍ ປີ 2025.

        ລາຍການຕີລາຄາ, ຮັບຮອງເອົານາມມະຍົດຮາກຖານ, ກິດຈະກຳນຳໃຊ້ພະລັງງານສີຂຽວປີ 2025 ຂອງ ຮ່າໂນ້ຍ ໄດ້ດຶງດູດ 122 ຫົວໜ່ວຍເຂົ້າຮ່ວມ. ໝາກຜົນມີວ່າ, ມີ 87 ຮາກຖານ, ກິດຈະກຳກໍ່ສ້າງບັນລຸນາມມະຍົດນຳໃຊ້ພະລັງງານສີຂຽວ, ໃນນັ້ນມີ 26 ຮາກຖານບັນລຸການນຳໃຊ້ພະລັງງານສີຂຽວ 5 ດາວ, ຮາກຖານ 29 ແຫ່ງບັນລຸການນຳໃຊ້ພະລັງງານສີຂຽວ 4 ດາວ. ຈຸດພົ້ນເດັ່ນໃນປີນີ້ແມ່ນບັນດາມາດຕະການແກ້ໄຂເຕັກໂນໂລຊີຂຽວໄດ້ຮັບການຜັນຂະຫຍາຍຢ່າງເລິກເຊິ່ງ, ກວ້າງຂວາງ, ຄື: ໄຟຟ້າແສງຕາເວັນຕິດຕັ້ງໃສ່ຫຼັງຄາເຮືອນຢູ່ບໍລິສັດ Panasonic System Networks ຫວຽດນາມ ຈຳກັດ, ບໍລິສັດ Parker Processing ຫວຽດນາມ ຈຳກັດ, ບໍລິສັດໃຫຍ່ເຄື່ອງຕ່ຳແຜ່ນຕັດຫຍິບເລກ 10; ລະບົບ BMS ຕິດຕາມກວດກາ - ບັນຊາອັດສະລິຍະ, ຢູ່: ໂຮງແຮມ InterContinental Hanoi Westlake, ຕຶກອາຄານ Lotte Center Hanoi, ໂຮງໝໍ ຫຼາຍຂະແໜງເຕິມແອັງ…

        ເນື່ອງໃນໂອກາດນີ້, ຄະນະຈັດຕັ້ງກໍ່ໄດ້ວາງສະແດງຜະລິດຕະພັນປະຢັດໄຟຟ້າ, ນຳໃຊ້ພະລັງງານສີຂຽວຈຳນວນໜຶ່ງ.