ໂຄງການຮັກສາລາຄາສິນຄ້າເປັນປົກກະຕິເສີມຂະຫຍາຍຄຸນປະໂຫຍດ
(ພາບ:vtv.vn)
( vovworld ) – ວັນທີ 16/6, ຢູ່ຮ່າໂນ້ຍ, ທ່ານຮອງນາຍົກລັດຖະມົນຕີຫວຽດນາມ Hoang Trung Hai ໄດ້ເປັນປະທານກອງປະຊຸມໂດຍກົງທາງເຄືອຂ່າຍອິນເຕີແນັດ ເພື່ອແນໃສ່ສະຫລຸບ, ຕີລາຄາໂຄງການຮັກສາລາຄາສິນຄ້າເປັນປົກກະຕິຂອງລັດຖະບານ ກັບກະຊວງ, ຂະແໜງການຈຳນວນໜື່ງ ແລະ 36 ແຂວງ ນະຄອນໃນທົ່ວປະເທດ. ທ່ານຮອງນາຍົກລັດຖະມົນຕີຢືນຢັນວ່າ ລັດຖະບານຈະສືບຕໍ່ສ້າງເງື່ອນໄຂອຳນວຍຄວາມສະດວກໃນດ້ານແຜນນະໂຍບາຍ, ກົນໄກເພື່ອໃຫ້ທ້ອງຖິ່ນຕ່າງໆເປີດກ້ວາງ ໂຄງການຮັກສາລາຄາສິນຄ້າເປັນປົກກະຕິກ່ວາອີກ, ສືບຕໍ່ຍູ້ແຮງວຽກງານສ້າງກົນໄກຮັບປະກັນຄຸນນະພາບສິນຄ້າ, ຄຸ້ມຄອງການແຈກຢາຍສິນຄ້າ. ບົນເນື້ອໃນຈິດໃຈດັ່ງກ່າວ, ທ້ອງຖິ່ນຕ່າງໆຈະໃຫ້ບຸລິມະສິດໜູນຊ່ວຍການພັດທະນາລະບົບຂາຍຍ່ອຍ, ບັນດາສະຖານທີ່ຂາຍສິນຄ້າມີລາຄາເປັນປົກກະຕິ, ຕິດພັນກັບຈຸດໝາຍຄວບຄຸມໄພເງິນເຟີ້, ຮັກສາເສດຖະກິດມະຫາພາກເປັນປົກກະຕິໃນການບໍລິຫານຄຸ້ມຄອງຕະຫຼາດ, ປະຕິບັດວຽກງານຖະແຫຼງຂ່າວ, ໂຄສະນາ ແລະ ມີນະໂຍບາຍໄປພ້ອມ ເພື່ອແນໃສ່ຍູ້ແຮງວິວັດການຫັນເປັນວຽກງານຂອງສັງຄົມກ່ວາອີກ, ລະດົມແຫຼ່ງກຳລັງສັງຄົມເຂົ້າຮ່ວມໂຄງການຮັກສາລາຄາສິນຄ້າເປັນປົກກະຕິ.
ຕາມການລາຍງານຂອງກະຊວງອຸດສາຫະກຳການຄ້າຫວຽດນາມ ແລ້ວ, ມາຮອດປະຈຸບັນ, ມີ 36 ແຂວງນະຄອນໄດ້ປະຕິດບັດໂຄງການຮັກສາລາຄາສິນຄ້າເປັນປົກກະຕິ ດ້ວຍຈຳນວນທຶນກູ້ຢືມປະມານ 1650 ຕື້ດົ່ງ. ບັນດາສະຖານທີ່ຂາຍສິນຄ້າທີ່ມີລາຄາເປັນປົກກະຕິກໍ່ໄດ້ເພີ່ມຂຶ້ນຢ່າງບໍ່ຢຸດຢັ້ງ ຕາມທິດຍ້າຍບັນດາສະຖານທີ່ຂາຍສິນຄ້າຍ່ອຍລົງເຂດຊົນນະບົດ.
